Abraham Boba![]()
(2018)  |
|
| Nacemento | (es) David Cobas Pereiro
3 de xuño de 1975 (49 anos)
Vigo, España |
|---|
|
| Ocupación | músico |
|---|
| Membro de | |
|---|
|
      |
David Cobas Pereiro, coñecido artisticamente como Abraham Boba, nado en Vigo o 3 de xuño de 1975,[1] é un músico galego, coñecido principalmente por ser o vocalista e tecladista da banda de indie rock, León Benavente.
Traxectoria
Inicios
Aos 14 anos comezou a tocar a batería.[2] Aos 18 deixou Vigo e marchou a vivir a Barcelona, onde comezou a estudar música, solfexo e a tocar o piano, mentres realizaba distintos traballos (camareiro, compositor de politóns para móbiles...).[3] Montou un grupo de curta existencia chamado Belmode[4] e logo púxose o nome artístico de "Abraham Boba".[5]
Carreira en solitario e Nacho Vegas
En 2007 publicou o seu primeiro disco, de título Abraham Boba, no que cantaba e tocaba o piano.[6] En 2008 mudouse a Madrid e pouco despois comezou a tocar o piano no grupo de Nacho Vegas, tanto nos seus discos como nas xiras.[7] En 2009 publicou, co selo discográfico Limbo Starr, o seu segundo disco en solitario titulado La educación. Foi gravado en Cádiz e consta de once temas.[5] Dous anos despois publicou Los días desierto, o seu terceiro álbum.[8]
León Benavente
Tras tres discos en solitario e outros catro tocando o piano con Nacho Vegas, en 2012 uniuse a Eduardo Baos, Luis Fernández e César Vedú para crear o grupo León Benavente.[9] En 2013 sacaron o seu primeiro disco, de título homónimo, con 10 cancións compostas por Boba.[10] O grupo alcanzou grande éxito e despois dese disco foron fichados pola Warner, publicaron outros dous álbums (2 e Vamos a volvernos locos, ambos con letras compostas por Boba) e deron multitude de concertos por toda España e fóra dela (destacando numerosas actuacións en México).[11][12]
Colaboracións
Ademais de con Nacho Vegas, Boba ten colaborado en traballos de numerosos artistas como Amaral,[13] Tulsa,[14] Julio de la Rosa,[15] Violeta Gil,[16]Pumuky,[17] Carlos Ann,[18] INRA,[19] ou Ornamento y Delito.[20]
No cine
Tamén ten traballado no cine, na parte musical dos filme Primos, de Daniel Sánchez Arévalo,[21] Lo contrario al amor,[22] de Vicente Villanueva, e nas curtas Mentiras[23] e Aunque todo vaya mal.[24]
Notas
Véxase tamén
Outros artigos
_De_la_poes%C3%ADa_a_la_m%C3%BAsica_de_ra%C3%ADz,_sonidos_de_la_segunda_noche_de_San_Isidro.jpg)
