A Encomenda
Vista da parroquia da Encomenda dende A Escrita
Concello	A Pobra de Trives[1]
Provincia	Ourense
Coordenadas	42°19′01″N 7°15′22″O / 42.316877777778, -7.2562333333333
Poboación	94 hab. (2019)
Entidades de poboación	15[1]
[ editar datos en Wikidata ]

Santo Antonio da Encomenda é unha parroquia do concello da Pobra de Trives, na provincia de Ourense. Segundo o IGE^[2], en 2015 tiña 103 habitantes (46 homes e 57 mulleres), 47 menos ca no 2000. Situada na vertente setentrional da Serra de Queixa a 835 m de altitude, está bordeada polo río San Lázaro e o río Cabalar e atravesada por regato da Retorta.

A igrexa parroquial, do século XIX, está no barrio dos Casares.

Fóra do núcleo de poboación hai varios soutos de castiñeiros na zona do Marzal, San Cosmede e nas beiras do río Cabalar, así como bosques de rebolos dende o Real até Veigas de Reis. Existe unha zona de bidueiros desde as Meas até o Alto do Castelo e Chao do Mouro. O Penedo Grande é unha rocha duns 20 m de altura con vistas a Pobra de Trives.

Lindando coa parroquia de Sobrado, no cumio do monte do Castelo, atópanse os restos dun castelo medieval (segundo as xentes da zona destruído na Guerra da Independencia española). Seguindo a liña do mesmo cumio, na zona chamada a Cividá, atópanse os restos do asentamento castrexo de Poula das Ánimas.

Nesta parroquia celébranse a festa da Santa Ana (o primeiro domingo de setembro) e a festa patronal do Santo Antonio (o 17 de xaneiro).

• Lugares da Pobra de Trives