Is ceoltóir agus scríbhneoir amhrán Meiriceánach í Taylor Alison Swift (a rugadh ar an 13 Nollaig 1989). Is bean ghnó í chomh maith.[1] Is í an bhean is sruthaithe ar Spotify. D’ainmnigh an iris Time Taylor Swift mar Phearsa na Bliana 2023.
Is í an réalta a shaothraigh an t-airgead is mó le linn na 2010-2020idí, dar le Forbes.
Taylor Swift sa bhliain 2006, ag an Maverick Saloon & GrillTaylor Swift, Fearless tour, An Astráil, 2010
Tús a saoil
Rugadh Taylor in Iarthar Reading, Pennsylvania. Dhíol a thuismitheoirí feirm an teaghlaigh nuair a bhí Taylor trí bliana déag agus bhog siad go Tennessee.[2]
Gradaim
Is buaiteoir Grammy seacht n-uaire í, agus an faighteoir is óige i stair na honóra is airde i dtionscal an cheoil, Gradam Grammy le haghaidh Albam na Bliana. Chomh maith leis sin, is í an t-amhránaí is mó díol go digiteach riamh.
Téamaí
Is minic a insíonn sí scéalta grá: an lúcháir, an briseadh croí agus an meascán mearaí a bhaineann le grá na ndéagóirí; an bhá a bhí aici lena máthair nuair a buaileadh tinn í; amhráin ghreannmhara faoi dhíoltas a bhaint amach ar lucht a cáinte; na fuaimdhreacha áille in folklore agus evermore agus na beathaisnéisí atá fite fuaite ina chéile i mbaile beag Meiriceánach.
Fíricí
Tá amhráin scríofa aici d’ealaíontóirí eile.
Bhí sí ag marcaíocht ar chapaill agus í ina leanbh.
Scríobh sí leabhar agus í ina déagóir.
Tógadh í ar fheirm crann Nollag.
Ba í an bhean choimhdeachta ag bainis a cara óige.
Tá trí chat aici.
Chuir Swift ráiteas amach in 2018 ag impí ar dhaoine vótaí a chaitheamh.[3]
Ionsaí gnéasach, 2013
Buaigh Swift cás a in éadan an iar-chraoltóra raidió David Mueller sa bhliain 2017. Thóg sí an cás mar gheall ar ionsaí gnéasach a rinneadh uirthi nuair a chuir an DJ a lámh suas sciorta an amhránaí, agus ar a tóin, ag preasócáid roimh cheolchoirm dá cuid in Denver SAM in 2013.
Ar dtús, thóg Mueller cás clúmhillte in éadan Swift. Ansin thóg Swift cás mar fhreagra air seo ar son damáistí dar luach $1: damáistí siombalacha, ba í an teachtaireacht an rud ba thábhachtaí di.
Cé go mbíonn Swift sna táblóidigh go minic de bharr a cuid ceoil nó a caidrimh le daoine clúiteacha eile, tá tábhacht ar leith ag baint leis an scéal seo do mhná fud fad na cruinne mar gheall ar an phróifíl atá á thabhairt aici do chásanna ionsaithe gnéis agus an sampla atá á léiriú aici do dhaoine eile.[4]
Conspóidí
Le linn na VMAs in 2009, tháinig Kanye West ar an ardán le linn do Swift a bheith ag labhairt, thóg sé an maidhc agus dúirt go raibh sé sásta do Swift ach go raibh ceann de na físeáin is fearr riamh déanta ag Beyoncé.[1]
Polaitíocht
Thug Swift a beannacht do Joe Biden in 2020 agus do Kamala Harris ar an 10 Meán Fómhair 2024.[5]
As Gaeilge
Reáchtáladh ‘Tionscadal Taylor Swift – Sreang Dhofheicthe’ ar stáitse an Pavillion i nDún Laoghaire mar chuid d’fhéile Imram 2024. Róisín Seoighe, amhránaí as Conamara, agus an banna Imlé a chuir ar stáitse na leaganacha Gaeilge de chuid de na hamhráin is cáiliúla le Swift. Chuir an file agus aistritheoir Gabriel Rosenstock, Gaeilge ar liricí Swift.[6]
Is é atá in Sreang Dofheicthe ná cnuasach speisialta dá cuid amhrán agus iad traschruthaithe go Gaeilge ag Gabriel Rosenstock le haghaidh IMRAM. Is iad Róisín Seoighe agus IMLÉ a chuirfidh i láthair iad.
_2.jpg)
