Wapen fan Rottum (Fryslân)

Wapen fan Rottum

It wapen fan Rottum is it wapen fan it doarp Rottum, yn de Fryske gemeente De Fryske Marren. It wapen waard yn 1992 registrearre.

Beskriuwing

De blazoenearring fan it wapen is:

Keperd trochsneid troch in skâns fan kiel: I yn goud yn de rjochterboppehoeke in ferkoart krús en yn de linkerboppehoeke in rút, beide fan sabel; II yn sulver in sânpuntige stjer fan sinopel.

De heraldyske kleuren binne: kiel (read), goud, sabel (swart), sulver en sinopel (grien).

Symbolyk

  • Gouden fjild: ferwiist nei de sângrûn wêr't it doarp op leit.
  • Ferkoart krús: symboal foar in úthôf fan de Dútske Oarder. De kleur swart is oernommen út it wapen fan de Grutte Sint-Jânsgeasterfeanpolder.
  • Rút: stiet foar de rjochtspraak dy yn it doarp holden waard. De kleur swart is oernommen út it wapen fan de Grutte Sint-Jânsgeasterfeanpolder.
  • Skâns: ferwiist nei de skâns dy súdlik fan it doarp yn 1583 bouwt is. De kleur read is oernommen út it wapen fan de Grutte Sint-Jângeasterfeanpolder.
  • Sânpuntige stjer: ferwizing nei de lizzing fan it doarp yn de Sânwâlden. De kleur grien en sulver is oernommen út it wapen fan Sânwâlden.

Sjoch ek