Richard Terrance McDermott ek bekend as Terry McDermott (Essexville, Michigan, 20 septimber 1940 - 20 maaie 2023) wie in Amerikaansk reedrider.
De iennige ynternasjonale kampioenskippen dêr't McDermott oan dielnaam wiene de Olympyske Winterspullen yn 1960, 1964 en 1968 dêr't er allinne op de 500 meter útkaam. Op de Winterspullen fan 1960 yn Squaw Valley waard er sânde. By de Winterspullen fan 1964 yn Innsbruck waard er tige ferrassend olympysk kampioen troch favoryt de Rus Jevgeni Grisjin mei 0,5 sekonden te ferslaan, en hold Grisjin dêrmei ôf fan syn tredde titel op de 500 meter. Op de Winterspullen fan 1968 yn Grenoble wûn hy de sulveren medalje troch, tegearre mei de Noar Magne Thomassen, 0,2 sekonden efter de Dútser Erhard Keller te einigjen. Op dizze spullen wie er de Amerikaanske flaggedrager. By de Olympyske Winterspullen 1980 yn Lake Placid wie McDermott aktyf as sjuerylid, en lei er út namme fan alle sjueryleden by de iepening de olympyske eed ôf.
Richard McDermott ferstoar op 20 maaie 2023, yn 'e aldens fan 82 jier.
Persoanlike rekôrs
Boarnen, noaten en referinsjes
Boarnen, noaten en/as referinsjes:
|
|