Noardlik fan 'e KreisstadtDachau is it lânskip licht heuveleftich mei in sterk agrarysk karakter. Nei Dachau is it sintraal lizzende Indersdorf it belangrykste sintrum fan 'e lânkring.
Yn it suden binne noch restanten fan it eartiids folle gruttere feangebiet. It Dachauer Moos en it natoergebiet Schwarzhölzl binne noch tsjûgen dêrfan. Oan it begjin fan 'e 19e iuw waard nei it ûntwetterjen fan 'e lêste feanen mei in systematyske turfwinning útein set. Oarspronklik leine de feanen fan Fürstenfeldbruck oant Freising. It gebiet stiet noch altiten bekend fanwegen de dize, dy't dêr faak lang hingjen bliuwt.
De belangrykste rivieren binne de Amper, de Glonn en de Ilm.
Yndieling
De lânkring Dachau bestiet út 17 gemeenten. Allinne it haadplak, Dachau, hat de stedsstatus. Twa gemeenten meie har Markt neame. Neamde ynwennertallen binne fan 22 desimber 2022.
.svg){kind=small}
