Zezilio Estazio, latinez Caecilius Statius, (? - K.a. 168) latinezko antzerkigile komiko bat izan zen.
Bizitza
Galian edo, agian, Milan aldean zuen jatorria eta K.a. 223 urte inguruan preso hartua izan zen Clastidiumeko gudaren ondoren. Askatasuna emandako esklabo bat izan zen, Livio Androniko eta Terentzio bezala, eta Caecilii bere jabeengandik hartu zuen bere cognomen delakoa. Ennioren laguna (primum contubernalis) izan omen zen eta garai beretsuan hil ziren biak, K.a. 168 urtean; Zezilio Estazio mons Janiculus izenekoan lurperatua izan zen.
Lanak
Bere lanetatik 42 izenburu geratzen dira, 280 bertso sakabanatuetan. Gorde diren lan osotuenak Plocium (Lepokoa euskaraz, 45 bertsotan) eta Synephebi (17 bertso dira).
