Zenbaki pentatopiko bat Pascalen triangeluko bosgarren diagonalean dauden zenbakiak dira, 1 4 6 4 1 errenkadako lehen elementutik hasita; bai eskuinetik ezkerrera, bai ezkerretik eskuinera izan daitezke.

Lehenengo zenbait gai hauek dira:

1, 5, 15, 35, 70, 126, 210, 330, 495, 715, 1001, 1365 ^[1]

Zenbaki pentatopikoak geometria diskretuko zenbaki irudikatuak dira, erregularra izan daitezkeenak.^[2] n-garren zenbaki pentatopiko baten formula hau da:

${\displaystyle {n+3 \choose 4}={\frac {n(n+1)(n+2)(n+3)}{24}}={n^{\overline {4}} \over 4!}.}$

Hiru zenbaki pentatopikotik bi zenbaki pentagonalak ere badira. Hau da, (3k − 2)-garren zenbaki pentatopikoa ((3k² − k)/2)-garren zenbaki pentagonala da eta (3k − 1)garren zenbaki pentatopikoa ((3k² + k)/2)-garren zenbaki pentagonala da beti. 3k-garren zenbaki pentatopikoa zenbaki pentagonalen formulan −(3k² + k)/2 adierazpen negatiboa hartzean lortzen den zenbaki pentagonal orokortua da.. (Adierazpen guzti hauek zenbaki arruntak ematen dituzte beti).^[1]

Zenbaki pentatopikoen alderantzizkoen batura infinitua egitean ${\displaystyle 4 \over 3}$ lortzen da.^[3] Kalkulu hau serie teleskopikoak eginez lor daiteke:

${\displaystyle \sum _{n=1}^{\infty }{4! \over {n(n+1)(n+2)(n+3)}}={4 \over 3}}$

Zenbaki pentatopikoak n-garren lehen zenbaki tetraedikoak batuz lor daitezke ere.^[1]