Warkako Dama
Irudi gehiago
Jatorria
Sorrera-urtea	K.a. 3300
Aurkikuntza lekua	Uruk
Aurkikuntza data	1939ko otsailaren 22a
Ezaugarriak
Materiala(k)	haitzurdina, kareharria, Lapis lazulia eta Betuna
Dimentsioak	21,2 () cm
Deskribapena
Kokapena
Lekua	Irakeko Museo Nazionala
Bilduma	Irakeko Museo Nazionala
Inbentarioa	IM45434
Gertaera nabarmenak	arte lapurreta

Warkako Dama, Urukeko Dama edo Warkako^{[oh 1]} maskara —batzuetan Sumerko Monalisa izenaz aipatua— K. a. 3300 urteko eskultura da (edo K.a. 3500-2250 artean)^[1], sumertar zibilizazioan. Maskara honek garrantzi handia du ezen artearen historiaren lehen emakume aurpegia baita.^[2]

Eskultura 1938an arkeologo alemanek aurkitu zuten Inanna jainkosari eskainitako tenpluen multzoaren aztarnategian, Eanna auzoaren aztarnetan, alegia, antzinako Uruk hirian, egungo Samawatik gertu, Bagdadeko 280 kilometrotara. Irakeko Museo Nazionalean erakusten zen, hango pieza garrantzitsuenetariko bat izanik, baina gerraren ondorioz, museoaren arpilatzeari ekitean, 2003ko apirilaren 9an, lapurtua izan zen. Ikerketa egin ostean, maskara berreskuratu ahal izan zen.^[3]

Maskarak hogei zentimetro ditu, marmolez egina da eta irudia goi-erliebe bat da. Osagarri batzuk lapislazuli, betun eta urre orrikoak dira. Itxura guztien arabera sumertar jainkosa baten errepresentazioa da, ziur aski lehen aipatu den Inanna jainkosarena.^[4]

• Mesopotamia
• Sumer
• Uruk
• Irakeko Museo Nazionala
• Sumertar erlijioa

• (Ingelesez): Curruthers, Fiona. 2023-09-19. "Iraq Museum resembled 'emergency ward'", University of Sydney News. (Warkako ontziaren gerra aurreko kolorezko argazkia, bai eta desagertutako Warkako Maskarakoarena).
• (Ingelesez):The Iraq Museum Database (Chicagoko Ekialdeko Institutuak ostatua)
• (Gaztelaniaz): Warkako Damaren itzulera UNEDeko webgunean.