PROFILPELAJAR.COM

Vera Duarte

Vera Duarte
epaile


Education Minister of Cape Verde (en) Itzuli

Bizitza
JaiotzaMindelo (en) Itzuli, 1952ko urriaren 2a (73 urte)
Herrialdea Cabo Verde
Hezkuntza
HeziketaLisboako Unibertsitateko Zuzenbide fakultatea
Hizkuntzakportugesa
Jarduerak
Jarduerakpolitikaria, giza eskubideen aldeko ekintzailea, olerkaria, idazlea, legelaria eta militante politikoa
Jasotako sariak

Vera Valentina Benrós de Melo Duarte Lobo de Pina (Mindelo, 1952ko urriaren 2a) idazlea, giza eskubideen aldeko ekintzailea, ministroa eta Cabo Verdeko politikaria da, 1995ean Peter Gabrielekin Ipar Hegoa Saria eta Afrikako poesiagatik Tchicaya U Tam'si Saria irabazi zituena, besteak beste.[1] Cabo Verdeko lehen epailea da.[2]

Ibilbidea

São Vicente uhartean jaio zen 1952an.[2] Haurtzaroa eta lehen gaztaroa Mindelon igaro zituen, 1970ean Portugalera ikastera joan zen arte.[2] 1976an Lisboako Unibertsitatean lizentziatu zen Zuzenbidean.[2][3] Magistratura judizialarekin jarraitzeko asmoz, Lisboako Ikasketa Judizialen Zentrora ere joan zen.[4]

Cabo Verdera itzuli zenean, Justizia Auzitegi Goreneko epaile eta kontseilari gisa lan egin zuen, Praia eta Mindelo hirietan Justizia eta Fiskal Ministerioko zuzendari nagusia izan ondoren.[2] Cabo Verdeko Errepublikako presidentearen laguntzailea izan zen[3] eta bertako Hezkuntza ministro bihurtu zen.[2] Bere agintaldian zehar, Santiago Unibertsitatea irekitzeko baimena eman zuen, Cabo Verde barnean presentzia zuen lehena.[5]

1993an, Amanhã Amadrugada poesia liburuarekin[3] egin zuen literatur debuta. 1994an Cabo Verdeko Idazleen Lehen Topaketan parte hartu zuen.[2] Idazle gisa, bere lanaren zati handi batek giza eskubideetan, emakumearen emantzipazioan eta literaturaren garrantzian oinarritzen da.[2]

Cabo Verdeko Giza Eskubideen eta Herritarren Batzorde Nazionaleko, Legelarien Nazioarteko Batzordeko kide izan zen, eta 1987tik 1999ra, Giza Eskubideen eta Herrien Batzorde Afrikarreko presidentea. erakunde horretako lehen emakumezko komisarioa izan zelarik.[2][3]

Aktibista gisa, Duartek hainbat komunitate eta talderi eragiten zien zapalkuntzarekin amaitzeko lan egin zuen, batez ere emakumeei eta hezkuntzarako aukerarik ez zuten komunitateei eragiten zien zapalkuntzarekin.[2] Bere lanarekin, gizarte caboverdetarraren zenbait alderdi iraultzea eta emakumearen aurkako indarkeriari aurre egitea lortu zuen.[2][5] Aitzindaria izan zen, zenbait esparrutan esku-hartu eta horietan bultzatutako aldaketetan lehen emakumea izan baitzen.[2]

Aintzatespenak

1981ean, Cabo Verdeko Emakumeen Erakundeak sustatutako poesia lehiaketa nazionalaren irabazlea izan zen.[2] 1985ean, "International Register of Profiles" aldizkarian sartu zuten. 1984an eta 1986an, "The World Who's Who of Woman" argitalpenean sartu zuten.[4]

1995ean, Giza Eskubideen Iparra-Hegoa Saria eman zioten Europako Kontseiluko Iparra-Hegoa Zentroan, giza eskubideen alde egindako borrokaren aitorpen gisa.[3] Urte horretan bertan, Distinção Máxima em Pioneirismo Feminino lortu zuen.[4]

Sonangol Literatura Saria jaso zuen A Candidata (2003) lehen eleberriagatik.[3] 2005ean, Cabo Verderen independentziaren 30. urteurrena zela eta, Kultura Merituaren Domina eman zioten.[2]

Literatura-lana

Poesia

  • 1993 - Amanhã amadrugada
  • 2001 - O arquipélago da paixão
  • 2005 - Preces e suplicas ou os ânticos da desesperança
  • 2010 - Exerzizio poetikoak

Narrazioa

  • 2003 - Hautagai

Saiakera

  • 2007 - Construindo a utopia

Erreferentziak

  1. ↑ «North-South Centre of the Council of Europe - North-South Centre - publi.coe.int» North-South Centre.
  2. ↑ a b c d e f g h i j k l m n «Pioneer African Women in Law» African Women in Law.
  3. ↑ a b c d e f «Vera Duarte Pina / Personalidades / Identidad / Início - CABO VERDE info» www.caboverde-info.com.
  4. ↑ a b c VERA DUARTE E CABO VERDE NA “ESTAÇÃO DO AMOR”. .
  5. ↑ a b visioncast. «Vera Duarte – Por grandes causas, pela vida e pelas pessoas» Nós Genti Cabo Verde.

Kanpo estekak

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.