uwu edo UwU aurpegi polit bat irudikatzen duen emotikono bat da. u karaktereek begi itxiak adierazten dituzte eta w karakterean ahoa^[1]. Berotasuna, gertutasuna eta poztasuna adierazteko erabiltzen den emotikonoa da.

uwu emotikonoa kawaii kontzeptuarekin lotzen da askotan, baita poztasunarekin eta xamurtasunarekin ere^[2]. Gehiegi erabiltzen bada, ordea, jasotzen duenarentzat gogaigarria izan liteke. Furryen artean erabilera handikoa da.

uwu emotikonoaren lehen erabilera ezaguna 2000ko apirilaren 11n izan zen, Ghislain Deslierres furry artistak erabili zuenean Vixen Controlled Library webguneko mezu batean. 2005eko anime aldizkari batek ere erabili zuen. Ez da ezaguna nondik sortu zen, baina Interneteko txat geletan garatu zela uste da. 2014ean asko hedatuta zegoen jada, Tumblr bezalako guneetan.