Uribarri (ofizialki Uribarri Kuartango) Arabako herria da, Kuartango udalerrian kokatuta. Arkamo mendilerroaren adarrean, Baia ibaiaren eskuinean, Vadillo ibaiak sortzen duen Kuartango ibarraren erdi-erdian dago.
Hasiera batean, oinetxe bat izan zen eta barruti biribila ere bazuen. Ulibarri izenarekin azaldu zen 1257ko agiri batean.
Demografia
Uribarriko biztanleria
Ondasun nabarmenak
San Kiriko eta Julitaren eliza Uribarrin
Herriko ondareari dagokionez, San Kiriko eta Julitaren eliza erromanikoa dugu, XII. mendekoa. Barruan,Andra Mari gotikoa gordetzen du. Ezkerraldean, Olarte leinuaren kapera dago; armarria ta guzti, XVI-XVII. mendeen artean eraikia. Elizan gordetzen den bataiarria XIII. mendekoa da. Ponteak irudi geometrikoz apainduta dago. Beranduago eraiki zen kanpai horma bakartua, Koartangoko haranaren ohiturari jarraituta.
Arkitektura zibilari dagokionez, Ocharan jauregia dago, XVIII. mendean eraikia.
