Türkan Feyzullahren hilketa 1984ko abenduaren 26an gertatu zen Mletxino herrian (Bulgaria). Egun hartan, Bulgariako poliziek Türkan Feyzullah (bulgarieraz: Тюркян Фейзула, Tiurkian Feizula)[1] turkiar jatorriko neskatoa hil zuten turkiarren bulgarizazioaren aurkako protesta batean[2][3][4].
Gertaera
1984ko abenduaren 24an, bulgarizazio politikaren eta Bulgariako Herri Errepublikako turkiarren giza eskubideen urraketen aurkako protestak hasi ziren Mletxino herrian[5], eta Türkanen amak parte hartu zuen. Abenduaren 26ra arte iraun zuten protestek, Bulgariako Poliziak bortizki zapaldu zituen arte[6]. Bulgariako segurtasun indarrek tiro egin zieten manifestariei, dozenaka lagun zauritu eta hiru hil zituzten. Hildakoen artean Türkan Feyzullah zegoen, orduan 18 hilabete zituena. Berehala hil zen amaren besoetan, bala batek jota[7].
Ondorioak
Turkiarren bulgarizazioaren aurkako erresistentziaren ikur bihurtu zen Türkan. Urtero, abenduaren 26an, jendeak bere hilobian otoitz egiten du[3]. Türkanen omenezko hainbat monumentu daude Turkian zein Bulgarian[8].
Erreferentziak
Kanpo estekak
