Thalaba ibn Salama al-Amili (arabieraz: ثعلبة بن سلامة العاملي‎; ?- 750) al-Andaluseko hemeretzigarren valia izan zen (742-743).^[1]

Aqua Portorako guduaren emaitza siriarren aldekoa izan arren, Balj ibn Bishr laster hil zen jasandako zaurien ondorioz, eta, beraz, bere tropek beste jeneral bat izendatu zuten vali berri, Thalaba ibn Salama al-Amili. Thalaba ibn Salama 'yemendar' bat zen, andalustar arabiar gehienak bezala, eta ez siriar 'Qays' tribukoa. Hala ere, gerra ez zen amaitu eta bere agintea apenas ez zen zabaltzen Kordobatik at. Hori zela eta, 743an, Handhala Ifrikijako valiak Abul-Khattar al-Husam ibn Darar al-Kalbi bidali zuen vali berri bezala. Thalaba ibn Salama Afrikara itzuli zen.