Sines Sines Sines
Portugalgo udalerria
Irudi gehiago
Administrazioa
Herrialdea	Portugal
Eskualdea Azpi-eskualdea Barrutia	Alentejo Kostaldeko Alentejo Setubalgo barrutia
Sorrera	1362
Izen ofiziala	Sines
Jatorrizko izena	Sines
Posta kodea	7520
Geografia
Koordenatuak	37°57′17″N 8°51′51″W / 37.9547°N 8.8642°W / 37.9547; -8.8642
Azalera	199 km²
Mugakideak	Odemira eta Santiago do Cacem
Demografia
Biztanleria	14.238 (2011)
Dentsitatea	68 bizt/km²
Informazio gehigarria
Telefono aurrizkia	269
Ordu eremua	UTC±00:00, Udako ordutegi eta UTC+01:00
Hiri senidetuak	Nisa, Vidigueira eta Évora
http://www.mun-sines.pt www.mun-sines.pt

Sines Portugalgo hego-mendebaldean dagoen hiria da, Setubalgo barrutian kokatutakoa. 2011eko erroldaren arabera 14.238 biztanle ditu.

Bisigodoen Cinetos herrixka izan liteke Sines-en jatorria. Beste autore batzuek diote latinezko Sinus hitzetik etor daitekeela, "badia" edo "kurba" esan nahi du.

Hiru eremu bereizten dira udalerrian:

• Kostaldeko lautada.
• Sines mendialdearen aztarnak, Chãos menditik Sines lurmuturerra.
• Ekialdeko maldak.

Bi fregesia ditu Sines udalerriak:

• Porto Covo (auzo turistikoa)
• Sines

Palmeirinha eta Quitéria eremu arkeologikoek argitu dute Sines aspalditik populatua izan dela. Makina bat apaingarri feniziar eta egiptiar ere aurkitu dituzte.

Erromatarrek Sinesen kaia eraiki zuten eta arrantari loturiko industriagunea ere sortu zuten bertan. Mirobriga izena eman zioten. V mendean bisigodoek hartu zuten hiria eta 713 urtean mairuen esku gelditu zen. Garai hartan ez zen biztanle askorik bertan baina arabiarrek bertako urak patruilatzen zituzten.

XIII mendean Alfontso III.a Portugalgoak eremu guztia eskuratu zuen. Arrantzaleak itzuli eta herrixka eratuz joan zen. 1362an Petri I.ak herri forua eman zion. Gaztelua eraikitzeko proiektua abiarazi bazuen ere, XV mendekoa da Sinesko gaztelua, merkatariak babesteko eraiki zena. Turkiako eta Ingalaterrako piratek sarritan erasotu zuten hiria eta bi gotorleku gehiago eraiki ziren Pessegueiro uhartean. XIX mendean Napoleondar gudarosteek harpilatu zuten Sines.

1855ean Santiago do Cacém-en fregesia bihurtu zen baina Errepublika 1914an ezarri zenean bere autonomia berreskuratu zuen. Goraldi ekonomikoa izan zuen orduan, kortxogintzan, arrantzan, nekazaritzan eta turismoan oinarrituta. Alentejotarren hondartza bihurtu zen. 1970an kai industriala eraiki zen eta hiriaren ekonomia aldatu egin zen, batez ere portugaldar kolonietako emigranteak iritsi eta esku-lan merkeari esker industria nabarmen sustatu zelako, bereziki itsas-portuko lanetan eta industria petrokimikoan.

• Sinesko eliza nagusia.
• Hondartzak.
• Vasco da Gamaren estatua

• 
  Alde zaharreko arrantzale etxeak.
• 
  Harresiak.
• 
  Sinesko eliza nagusia.
• 
  Vasco da Gamaren estatua.
• 
  Sinesko hondartza.
• 
  Praia Grande hondartza.

• Vasco da Gama (1469-1524), esploratzailea.
• Cláudia de Campos (1859-1916), idazlea.

• (Portugesez) Udalaren webgunea.