Silvia Suppo

Silvia Suppo

Bizitza
JaiotzaRafaela (en) Itzuli, 1958ko abuztuaren 31
Herrialdea Argentina
HeriotzaRafaela (en) Itzuli, 2010eko martxoaren 29a (51 urte)
Heriotza moduagiza hilketa
Jarduerak
Jarduerakaktibista

Silvia Suppo (Rafaela, Santa Fe, Argentina, 1958ko abuztuaren 31 – 2010eko martxoaren 29a) argentinar ekintzaile politiko eta soziala izan zen. Diktadura zibiko-militarraren biktima, Causa Brusa-n lekuko giltzarria, eta Megacausa Rafaela-ren[1] lehen salatzaile eta bultzatzaile nagusietako bat izan zen; 2010eko martxoaren 29an hil zuten eta ez zen deklaratzera heldu[2].

Bere militantzia politikoaren hastapenak

Rafaelako Merkataritza Eskola Nazionalean zegoela (gaur egun, Irakaskuntza Ertainetako Eskola, 429. zk., Mario Vecchioli[3]), Bigarren Mailako Ikasleen Batasunean (UES) hasi zen militatzen, Rafaela hiriko Barranquitas auzoko Adin Txikikoen Etxeko gazte-talde batekin batera gizarte-lana eginez. Bertan, irakurketak, jolasak eta eskola laguntza egiten zuten. Hugo Suppo anaiak Paula Kuschnir-en Silvia dokumentalean deskribatzen duenez, ez zuten katolizismoan jatorria, baina ikuspegi humanista partekatzen zuten[4].

Bigarren Mailako Ikasleen Elkartean ere parte hartu zuen, eta Qué hacer aldizkaria argitaratu zuten[4].

Juventud Peronista, Partido Peronista Auténtico eta beste korronte politiko batzuetako militanteekin batera, Zine Kluba deitu zutena gauzatu zuten. Silvia errusiar, latinoamerikar, europar eta amerikar zinema berriko 8 mm-ko filmen proiekzioez arduratzen zen, eta horietatik abiatuta eztabaidak egiten zituzten [4].

Bigarren hezkuntza amaitu zuenean, Silviak Reinaldo Hattemer ezagutu zuen, Montonerosen ildoko Juventud Peronistan militante izandakoa; harekin ezkontzeko asmoa zuen [5][6]. Hattemer, gaur arte desagertuta egon dena, "alemaniarra" bezala ezagutzen zuten, Santa Fe hirian bizi zen eta metalurgia enpresa batean lan egiten zuen. Aste batzuetan bere burua "gorde" ondoren, urtarrilaren 25ean Rafaelara itzuli zen bere anaiaren ezkontzara joateko, Jesusen Bihotz Sakratuaren elizan. Han atxilotu zuten Rafaelako Polizia Buruzagitzako zibilek eta poliziek[5].

Silvia Suppo bahitu zutenean, Juventud Peronistan parte-hartze politikoa zuen, eta lan barrial bat Villa Podio hirian [7].

Bahiketa eta gatibualdia

Silvia Suppo 1977ko maiatzaren 24an atxilotu eta bahitu zuten Rafaela hirian, Hugo Suppo anaiarekin eta Jorge Alberto Destefanirekin[8] batera, urte batzuk geroago bere senarra izango zena. Ordu batzuk Rafaelako Poliziaren Buruzagitzan eman ondoren, gaueko orduetan kaputxadunak Santa Fe hirira eraman zituzten, eta han gatibu jarraitu zuten 4. sekzionalan (2016an Memoriaren Leku izendatua). Han hilabete eta erdi egon ziren atxilotuta, desagertuta. Polizia etxe horretan gutxienez hiru gizonek bortxatu zuten[9].

Gizarteriaren aurkako delituen auzietan lekukoa

Silvia Supporen oroimenez 2019ko ekainaren 3an itsatsitako pegatina

Silvia Suppo Santa Fe probintziako gizateriaren aurkako delituen lekuko eta bultzatzailea izan zen, eta errepresiogileei zigorrak ezarri zizkieten.

Silvia Supporen memoria

Silvia Supporen istorioa hainbat emanalditan berragertzen da, kulturaren hainbat esparrutatik, bai literaturan, bai zineman. Baita eztabaida publikoen instantzietan ere, Santa Fe probintziako buruzagi sozial eta politikoek aipatua.

Erreferentziak

  1. ↑ (Gaztelaniaz) Guadagno, Lucía. (2018-03-30). «Silvia Suppo y la megacausa de Rafaela» Pausa (Noiz kontsultatua: 2024-12-04).
  2. ↑ (Gaztelaniaz) «Página/12 :: El país :: Doce puñaladas para una víctima de la dictadura» www.pagina12.com.ar (Noiz kontsultatua: 2024-12-04).
  3. ↑ (Gaztelaniaz) «Escuela de Enseñanza Media N° 429 "Mario Vecchioli"» Escuela de Enseñanza Media N° 429 "Mario Vecchioli" (Noiz kontsultatua: 2024-12-04).
  4. ↑ a b c (Gaztelaniaz) «Verdad y Justicia por Silvia Suppo» Verdad y justicia (Rafaela, Santa Fe) 0: 1-8..
  5. ↑ a b «Sentencia del Tribunal Supremo (Sala de lo Social, Sección 1a) Sentencia no 876/2016, de 20 de Octubre (2016)» Oxford Journal of Law and Religion 6 (3): 630–631. 2017-09-23  doi:10.1093/ojlr/rwx037. ISSN 2047-0770. (Noiz kontsultatua: 2024-12-04).
  6. ↑ «Cuando el aborto es un crimen - El Cohete a la Luna» web.archive.org 2024-12-04 (Noiz kontsultatua: 2024-12-04).
  7. ↑ «Sentencia del Tribunal Supremo (Sala de lo Social, Sección 1a) Sentencia no 876/2016, de 20 de Octubre (2016)» Oxford Journal of Law and Religion 6 (3): 630–631. 2017-09-23  doi:10.1093/ojlr/rwx037. ISSN 2047-0770. (Noiz kontsultatua: 2024-12-04).
  8. ↑ «Causa: "Violación y Aborto Clandestino en Campo de Concentracion "(Silvia Suppo) - Patricia Isasa - La lucha que se pierde es la que se abandona» web.archive.org 2019-06-08 (Noiz kontsultatua: 2024-12-04).
  9. ↑ Aucía, Analía, ed. (2011). Grietas en el silencio: una investigación sobre la violencia sexual en el marco del terrorismo de Estado. CLADEM : Instituto de Género, Derecho y Desarrollo ISBN 978-987-27016-0-4. (Noiz kontsultatua: 2024-12-04).

Kanpo estekak