Sandra Mason
(2019) Irudi gehiago
1. Barbadosko Presidentea 2021eko azaroaren 30a - Barbadosko Gobernadore Nagusia 2018ko urtarrilaren 8a - 2021eko azaroaren 30a
Bizitza
Jaiotzako izen-deiturak	Sandra Prunella Mason
Jaiotza	Saint Philip (en) , 1949ko urtarrilaren 17a (75 urte)
Herrialdea	Barbados
Hezkuntza
Heziketa	University of Windsor Faculty of Law (en) Hugh Wooding Law School (en) Mendebaldeko Indietako Unibertsitatea University of the West Indies - Cave Hill Campus (en)
Jarduerak
Jarduerak	epailea eta politikaria
Jasotako sariak	ikusi Dame Grand Cross of the Order of St Michael and St George  (2018)

Sandra Prunella Mason dama (East Point, Saint Philip, Barbados, 1949ko urtarrilaren 17a) barbadostar abokatua, epaile eta politikaria da. 2018ko urtarrilaren 8tik 2021eko azaroaren 30ra Barbadosko gobernadore nagusia izan zen.^[1] 2021eko azaroaren 30an Barbadosko lehenbiziko presidente izendatu zuten, herrialdea errepublika bilakatu ostean.

Bere heziketa amaitu ondoren, Princess Margaret bigarren hezkuntzan irakasten hasi zen 1968an. Hurrengo urtean, Barclays Banken hasi zen lanean, langile gisa. Mendebaldeko Indietako Unibertsitatean (UWI) matrikulatu zen, eta Zuzenbideko lizentziatura lortu zuen. UWIko Zuzenbide Fakultateko lehen graduatuetako bat izan zen, Cave Hillen, eta 1973an osatu zuen bere hezkuntza. Abokatuen elkargoan onartu zuten, 1975,6ko azaroaren 10ean praktikatzen hasteko, eta Barbados Bar Association-eko lehen emakume kide bihurtu zen.

1975ean, Fideikomisoen Administrazioan lan egin zuen Barclaysentzat, eta konpainiaren barruko hainbat postutara transferitu zen 1977ra arte. 1978an, Gazte eta Familia Gorteko magistratu gisa hasi zen lanean, eta, aldi berean, familia-zuzenbideko tutore gisa UWIn. 1983an eskolak emateari utzi eta magistratu gisa jarraitu zuen. 1988an, Administrazio Judizialari buruzko ikastaro bat egin zuen Londresen.