Rouengo katedralaren multzoa
Irudi gehiago
Jatorria
Sortzailea(k)	Claude Monet
Sorrera-urtea	1892
Izenburua	Rouen Cathedral (series)
Mugimendua	inpresionismoa
Ezaugarriak
Materiala(k)	olio-pintura eta Margo-oihala
Dimentsioak	100,1 () × 65,8 () cm
Genero artistikoa	architectural view (en)
Deskribapena
Kokapena
Lekua	Orsay museoa

Rouengo katedrala Claude Moneten margolan multzoa da, katedral horren fatxada ordu, egun eta urte desberdinetan irudikatzen duena. Multzoa osatzen duten koadro bakoitzean islatzen da nola aldatzen den haren itxura argiaren arabera.

Margolanak, guztira hogeita hamar baino gehiago, 1892tik 1893ra bitarte egin zituen Monetek, eta gero 1894an langelan moldatu. 1895ean, bere ustez hogei hoberenak zirenak hautatu zituen galerian erakusteko. Pissarrok eta Cézannek biziki goraipatu zuten multzoa.

Rouengo katedralaren multzoa margotu zuenerako, urteak ziren Monet txunditu zela argiaren eraginarekin eta, argia eta eguratsa aldatu ahala, nola gauza bera desberdin ikus daitekeen ideiarekin. Moneten irudiko, argiaren eraginak objektu baten gainean objektuaren beraren adinako garrantzia zeukan margotzeari zegokionez. Eta horixe zuen azterbide berak egindako hainbat multzotan. Rouengo katedralarena ez zen horren lehenengo multzoa, paisaia ugarirekin aritua baitzen. Baina katedrala egitura iraunkor eta sendoa izanik, argia aldatuz ageri geratzen zen zer dela-eta hautematen dugun desberdin.

• 
  Le portail (effet du matin)
  Collection Erst Beyeler
• 
  Le portail et la Tour Saint Romain, plein soleil
  Orsay museoa
• 
  Cathédrale de Rouen, portail plein midi
  Bilduma pribatua
• 
  Le portail, soleil matinal (Harmonie bleue)
  Orsay museoa
• 
  Le portail et la tour Saint-Romain, plein soleil (Harmonie bleue et or)
  Orsay museoa
• 
  Le portail, brouillard matinal
  Folkwang museoa
• 
  Cathédrale de Rouen, effet de soleil, fin de journée
  Marmottan museoa
• 
  Façade
  Pola Arte Museoa, Hakone, Japonia