Rita Irasema
Bizitza
Jaiotzako izen-deiturak	Rita Irasema Aragón Álvarez
Jaiotza	Habana, 1954ko urtarrilaren 7a (70 urte)
Herrialdea	Kuba
Familia
Aita	Emilio Aragón Bermúdez
Haurrideak	ikusi Emilio Aragón Álvarez
Leinua	family Aragón (en)
Hezkuntza
Hizkuntzak	gaztelania
Jarduerak
Jarduerak	telebista aurkezlea

Rita Irasema Aragón Álvarez (Habana, Kuba, 1954ko urtarrilaren 7a) barietate-artista, abeslaria, konpositorea, gidoilaria eta Espainiako telebistako aurkezlea da. 1976an Daniel Montorio saria irabazi zuen Urteko Antzerki musikarik onenarengatik, Las cuatro cartas komedia musikalarengatik.

Habanan jaio zen 1954an, eta bertan bizi zian zen 1960ra arte. Gero familiarekin Espainiara bizitzera joan zen. Aragoi familiaren sagakoa da, Emilio Aragón Bermúdezen (Miliki) eta Rita Violeta Álvarezen alaba da. Ritaren ama klaneko pertsonarik ezezagunena eta inspiratzaileena izan da. Rita Irasema alaba nagusiena da, Maria Pilar eta Emilio neba-ahizpak Kuban jaio ziren; Maria Amparo, ostera, Espainian.^[1]

Emilio Aragón Álvarez aurkezlea eta enpresaburuaren arreba, Fofó eta Gaby pailazoen iloba, eta Fofitoren lehengusina; beraz, Espainiako zirkuko dinastia famatukoa da, Aragoi familiakoa.^[2]

Lau urte zituela, telebistan La vida en rosa kontzertinan interpretatuz egin zuen debuta.^[3] 1965ean, Rita, Fofó, eta Milikiren El show de las 5 diskoan parte hartu zuen Pilar ahizparekin eta Maribel eta Mari Carmen lehengusinekin (Gabyren alabak). Handik bi urtera, Gaby, Fofó eta Milikik programa estreinatu zuten, Venezuelan Show de las 5 saioan parte hartu zuten neskok. Hain ospe handia izan zuten, neska gazteek imitatu egiten baitzituzten haien orrazkerak eta. Arrazoi horrengatik, arreta gehiegi lortzearen ondorioz, ez ateratzea erabaki zuten, fsikoa 'despistatu' egiten baitzuen.

Espainiara itzulita, Madrilgo Errege Musika Kontserbatorioan bukatu zuen musika-karrera, eta Harmoniako Karrera Amaierako Saria eta Pianoko Ohorezko Aipamena jaso zituen. Kantu lirikoko ikasketak ere egin zituen Inés Rivadeneirarekin. TVErako Amigos y canciones del mundo saio txikia aurkezten zuen haurrentzako. Hoy también es fiesta saioan (1973-1974).

1973an, Las aventuras de Gaby, Fofó y Miliki saioan agertu zen Emilio nebarekin, Rody eta Fofito lehengusuekin, Gaby eta Fofó osabekin eta Miliki aitaren ondoan Los fotógrafos atalean.

1976an hasi zen antzerkian, Manolo Colladoren eskutik Godspell-en, Emilio, Pilar eta Amparo neba-ahizpekin batera.^[4] Pepín en el viaje a los planetas komedia musikala idatzi eta estreinatu zuen, Alcalá antzokian Emilio Aragónek zuzendua.^[5] Daniel Montorio saria irabazi zuen Urteko Antzerki musikarik onenagatik, Las cuatro cartas komedia musikalarengatik, Infanta Isabel antzokian estreinatua.^[6]

1981ean LP bat argitaratu zuen: Lanza perfume.^[7] Hiru urte geroago, telebistara itzuli zen, Leo contra todos haurrentzako lehiaketaren buru izateko.

Laurogeiko hamarkadaren bigarren erdian, artistikoki elkartu zitzaion aitari, eta elkarrekin haurrentzako hainbat disko grabatu zituzten. Besteak beste, La vuelta al mundo en 30 minutos, El fantasma de la sopera eta El flautista de Hamelin.

Ritak musika-ikuskizunak idatzi zituen No sé atar mis zapatos eta Estás contento, sí señor, nazio mailako antzerki-jaialdietan aurkeztuz. Antzerkian Uno y una son tres lanarekin amaitu zuen ibilbidea. Bere aitarekin batera aurkeztutako musika-ikuskizuna da, Ritaren Manuel Feijóo semerekin batera.

Telebista pribatuak iristean, Miliki aitarekin batera, kontratatu zuen lehenik Antena 3ek, eta bertan La merienda (1990-1991) eta La guardería (1990-1991) aurkeztu zituzten, geroago Telecincok, Superguay (1991-1993) eta, azkenik, Televisión Españolan, El gran circo de TVE (1993-1995).^[8]

Hurrengo urtean, beti aitarekin batera, El circo del arte antzerki-ikuskizuna jarri zuten martxan, Emilio Aragon nebaren eta haren aitaren ekimenez, zirkuko ikuskizuna zaharberritzeko. Ikuskizuna 1999 arte mantendu zen.

Musikagile eta letrista gisa, Monano eta Su Banda haur taldearekin grabatu zituen hiru albumak eta aitarekin grabatu zituen 5 albumak ageri dira.

Beste artista batzuentzat konposatu du, eta telebistako goiburuak ere interpretatu ditu: Noeli, Sin ir más lejos, La guardería, Amigos y canciones del mundo, El circo de televisión, Superguay, Tompy, el conejito de trapo, iragarkian irratian, etab.^[9][10] Eta orkestraziozale gisa, euren telebistako saioetako musika intzidental guztia Ritak konposatu zuen. Era berean, bitxikeria gisa, Ritak La guardería programan esan zuen La Aldea del Arce animazio-seriearen sintonia ere konposatu zuela, “Nahiz eta Emilio Aragon jarri”, esan zuen.

2003an, helduentzako disko bat grabatu zuen: Cómo hemos cambiado, Joaquín Sabina, Santiago Auserón, Manolo Tena edo Antonio Vegaren kantak bolero-erritmoan kantatuz.

Rita Irasema Emilio Aragón "Miliki" pailazoaren eta Rita Violeta Álvarez Fernández kubatarraren alaba da. Ritak hiru neba-arreba ditu: María Pilar, Globomediako enpresaburu eta langilea; Emilio Aragon aktore eta musikaria; eta María Amparo, El gran juego de la oca lehiaketako eta Médico de Familia serieko eszenografoa.^[11] Manuel Feijóo zirkoko enpresaburuarekin ezkonduta dago, eta Manuel Feijóo aktore eta gidoilariaren, Néstor Feijóo kantariaren eta Emilio Feijóo komediantearen ama da.^[12] Azken urteetan, basamortu espiritualean zazpi urte eman ondoren, katolizismoa berpiztu eta bere musika eskolan, familian eta Jainkoan bizi dela erakutsi zuen.^[2]

• 1976an Daniel Montorio saria irabazi zuen Urteko Antzerki musikarik onenarengatik, Las cuatro cartas komedia musikalarengatik.