Patricia McKillop

Patricia McKillop
Bizitza
Jaiotzako izen-deiturakPatricia Jean Fraser
JaiotzaBulawayo, 1956ko uztailaren 15a (68 urte)
Herrialdea Zimbabwe
Jarduerak
Jarduerakbelar hockey jokalaria

Patricia Jean McKillop, jaiotzaz Fraser, eta orain Buckle, Pat McKillop bezala ezagutzen dena (Bulawayo, Zimbabwe, 1956ko uztailaren 15ean), Zimbabweko belar-hockeyko jokalari ohia da, 1980ko Moskuko Joko Olinpikoetan urrezko domina irabazi zuen talde nazionaleko kidea.[1][2][3][4]

Afganistanen inbasio sobietarraren aurkako protestan Estatu Batuak buru zituen boikota zela eta, sobietar taldea bakarrik geratu zen. Sobietarrek eta nazioarteko agintari olinpikoek txapelketarako kalifikatu ez ziren herrialdeak gonbidatu zituzten. Eskaera berantiarra bidali zitzaien Afrikako gobernu ezberdinei, lehiaketa hasi baino astebete lehenago taldeak osatu zituzten.[5]

Guztien harridurarako irabazi egin zuten. Polonia 4-0 garaitu zuten, Txekoslovakia zenarekin 2-2 berdindu zuten, 2-0 irabazi zioten Sobietar Batasun anfitrioiari, 1-1 berdindu zuten Indiarekin eta, azkenik, 4-1 garaitu zuten Austria. 1980ko Jokoetan Zimbabwek lortu zuen domina bakarra irabazi zuten.[6] McKillop izan zen, Sobietar Batasuneko Natella Krasnikovarekin batera, txapelketako goleatzaile nagusia sei golekin, ertzeko hiru penalti barne.[3][7]

McKillop-ek Matabeleland ordezkatzen zuen saskibaloian. Bulawayo Athletic Club hockey-klubean jokatu zuen, eta hiru urtez jarraitu zuen Zimbabwe Under-21 emakumezkoen taldea entrenatzen, eta 1989an Kanadako Emakumeentzako Hockeyko Munduko Kopa Juniorrera eraman zituen. Golfean ere, Zimbabwe ordezkatu izan du .[3]

Bizitza pertsonala

Patricia McKillop Collin Williams-ekin ezkondu zen, bere lehen ezkontzagatik dibortziatu ondoren. Collin Williams Zimbabweko lehen mailako kriket jokalaria zen, eta belar-hockeyko entrenatzailea. Hiru seme-alaba ditu, eta guztiek ordezkatu dute Zimbabwe nazioarteko kiroletan. Lehen ezkontzaren ondoren jaio zen Michael McKillop nagusiak Zimbabweko gizonezko hockeyko taldeko kapitaina izan zen, eta kriketeko lehen mailako bederatzi partidutan ere agertu zen Matabeleland ordezkatuz. Hurrengo semea, Sean Williams, nazioarteko hockeyean eta kriketean aritu izan da Zimbabwe ordezkatuz. Eta azkena, Matthew Williams da, Zimbabweko hockeyko talde nazionaleko kapitaina izan zen eta kriketeko lehen mailako jokalaria.[8][9][3][10]

Erreferentziak

  1. ↑ Pat McKillop. Sports Reference LLC.
  2. ↑ «Patricia MCKILLOP - Olympic Hockey | Zimbabwe» International Olympic Committee 2016-06-14.
  3. ↑ a b c d «Golden Girl Buckle on Moscow 1980» The Sunday News (Zimpapers (1980) LTD). Aipuaren errorea: Invalid <ref> tag; name "Sunday News" defined multiple times with different content
  4. ↑ Harris, Cathy. (2008-05-11). «Caught in Time: Zimbabwe win hockey gold, 1980 Moscow Olympics» The Sunday Times ISSN 0956-1382..
  5. ↑ «Hockey at the 1980 Moskva Summer Games: Women's Hockey» Olympics at Sports-Reference.com.
  6. ↑ Sportsencyclo. «Patricia McKillop - Olympic Facts and Results» www.olympiandatabase.com.
  7. ↑ Marufu, Albert. (2011-07-04). «Zimbabwe: Golden Girl Goes Down Memory Lane» Zimbabwe Standard (Harare).
  8. ↑ «She powered Zim to Olympics glory» DailyNews Live.
  9. ↑ Kumar, Abhishek. (2015-09-26). «Sean Williams: 8 interesting things to know about the Zimbabwean» Cricket Country.
  10. ↑ Willaims’ Olympic pain. Zimbabwe Daily.

Kanpo estekak