Patricia Billings (Clinton, 1926) estatubatuar eskultore, asmatzaile eta enpresaburua da . Geobond-en asmatzailea da, amiantoaren munduko lehen ordezko erabilgarria. [1]
Biografia
Nekazari gurasoen alaba, saltzaile batekin ezkondu zen eta laborategi klinikoko teknikari gisa lanean hasi zen onddoen eta bakterioen gaixotasunak aztertzen Kansas City Junior Collegen. 1947an utzi zuen lan hori dibortziatu zenean. [2]
1956an arte ikasketak hasi zituen Amarillo Collegen. [3] Igeltsuzko eskulturak egitea gustatzen zitzaion. 1964an Kansas Cityn denda bat ireki zuen eta bertan bere eskultura asko saldu zituen. Lantzen ari zen materialaren hauskortasunaz jabetuta, ikertzea erabaki zuen substantzia erresistenteagoa lortzeko, nahiz eta igeltsuaren propietateak mantendu. Handik denbora batera moldagarria den substantzia bat asmatu zuen, ez-toxikoa, ia suntsigaitza eta erregaitza. Substantzia, eskultura moduan, bere lagun zientzialari bati bidali zion proba zezan. [3]
Produktua, Geobond izenekoa, 1997an patentatu zuen. Geobond International Inc. enpresa sortu zuen bere aurkikuntza ustiatzeko. [4] [5]
Erreferentziak
Kanpo estekak
