Informatika munduan, pantailako atzeko planoa^[1], pantailako horma-papera^[1] edo pantailako horma irudia esaten zaio, ordenagailu pertsonaletan, tabletetan eta komunikazio gailuetan, pantailan ezartzen den argazki edo irudi apaingarriari. Sistema eragileek horma irudi bat edo batzuk izaten dituzte lehenetsita eta normalean erabiltzaileari horma irudi berri bat ezartzeko, pertsonalizatzeko, aukera eskaintzen dute.

Gehien erabiltzen diren pantailetako horma-paperak argazkiak izaten dira, edo argazkien segida automatikoak. Irudi infografikoak, infografiak eta animazioak ere erabiltzen dira.