Pakorus II.a
Irudi gehiago
King of Characene (en)
Bizitza
Jaiotza	Partia, I. mendea
Herrialdea	Karazene
Heriotza	Parthia Satrapy (en) , 105 ( urte)
Familia
Aita	Vonones II.a
Seme-alabak	ikusi Axidares of Armenia (en) Mitridates IV.a Partamasiris
Haurrideak	ikusi Vologeso I.a
Leinua	Partiako arsaziar dinastia
Jarduerak
Jarduerak	subiranoa

Pakorus II.a —persieraz: پاکور دوم‎, Pākōr— Partiar Inperioko erregea izan zen, gutxi gorabehera 78 eta 105. urteen bitartean. Vonones II.aren semea eta Vologeso I.aren anaia izan zen, norengandik Media Atropatene erresuma jaso zuen tronuratua izan ondoren. Vologeso I.a hil ondoren, Pakorus Vologesoren anaia eta oinordekoa izan zen Vologeso II.aren aurka matxinatu zen, garaitu eta tronutik kenduz.

Dion Kasioren arabera, Pakorusek Osroene erresuma Abgar VII.ari saldu zion, eta Amiano Martzelinoren arabera, Ctesifonte hiria zabaldu zuen eta bere harresiak eraiki zituen.

101ean, Pakorusek enbaxada bat bidali zion Txinako Han dinastiari, Partia Ansiek erresuma bezala bataiatu zuena (Anxi egungo ahoskeran). Dirudienez, Trajano enperadorearekin ere izan zuen harremana, antonino leinukoa, nori zenbait kexu egin zizkion.

Bere txanpon ugarietan "Artsazes Pakoro" deitzen du bere burua. Bere izen propioari eginiko aipamen honek, Artsazes errege izenarekin elkartuta, erresumako tronua okupatu nahi zuten arerioak zituela adierazten du. Horietatik hiru euren txanponengatik ezagutzen dira: Vologeso II.az gain, horien artean Artaban III.a (80-90) eta Vologeso III.a, gutxi gora-behera 105etik, zeuden.

Pakorus 105 inguruan hil zen, eta bere oinordekoa bere anaia Osroes I.a izan zen, bere heriotza Vologeso III.ak Partiar Inperioko ekialdeko toki zabaletan gobernatzeko probestu zuen arren.