Nyingmapa (tibeteraz: རྙིང་མ་; euskaraz: «ordena zaharra») Tibeten hedatu zen lehen sekta budista da, Padmasambhavak, VIII. mendean Tibetera jo zuen Kaxmirko fraideak, sortua. Budismo tantrikoa (Vajrayana) praktikatzen dute jarraitzaileek (kapelu gorriak deituak), eta budismoaren aurreko erlijio-moldeak ere gorde dituzte. Tibeteko bigarren sekta budista osatzen dute gaurko egunean.
