Nino Schurter
Irudi gehiago
Bizitza
Jaiotza	1986ko maiatzaren 13a (38 urte)
Herrialdea	Suitza
Jarduerak
Jarduerak	txirrindularia
Parte-hartzailea Q50413835 Q50485069 Q50609301 Q50737716 Q50961931 Q51077346 cycling at the 2008 Summer Olympics – men's cross-country (en) (3.) cycling at the 2012 Summer Olympics – men's cross-country (en) (2.) cycling at the 2016 Summer Olympics – men's cross-country (en) (1.) cycling at the 2020 Summer Olympics – men's cross-country (en) (4.) 2021 UCI World Ranking (en) (2.339.) 2021 UCI Europe Tour (en) (1.561.)
Posizio edo espezialitatea	cross-countrya
Pisua	67 kilogramo
Altuera	173 zentimetro
ninoschurter.ch

Nino Schurter (Tersnaus, 1986ko maiatzaren 13a-), mendiko txirrindularitzan aritzen den txirrindulari suitzarra da^[1]. Hiru Olinpiar Jokotan hartu du parte eta Rio de Janeirokoetan, 2016an, urrezko domina lortu zuen. Munduko txapelketa gehien irabazi dituen mendiko txirrindularia da.

2004an gazte maila Munduko eta Europako gazte mailako txapelduna izan zen. 2006tik aurrera Suitzako taldearekin batera errelebotako lasterketan munduko txapelduna izan zen eta bakarka 23 urtez azpiko txapelketak irabazi zituen. 2008an Olinpiar Jokoetan hartu zuen parte aurrenekoz eta brontzezko domina eskuratu zuen

2009an iritsi zen aurreneko bakarkako Munduko txapelketa. Canberran jokatu zen, Australian eta Nino Schurterrek zortzi munduko txapelketetako lehenengoa irabazi zuen. 2012an denboraldi bikaina egin zuen, 15 lasterketa jokatu eta hamaika irabazi baitzituen. Joko Olinpikoetan ordea bigarren postuarekin konformatu behar izan zuen.

2014 denboraldian Orica-GreenEDGE taldeak errepidean debuta egiteko aukera eman zion. Romandiako Tourra eta Suitzako Itzulia egin zituen baina ez zuen arrakastarik izan eta mendi txirrindularitzara itzuli zen^[2].

2015ean erabaki zuen 2016ko Olinpiar Jokoetarako bereziki entrenatzea eta bere hirugarren Jokoetan urrezko domina eskuratu zuen^[3]. 2017an denboraldi perfektua osatu zuen, jokaturiko guztia irabaziz. Lasterketarik aipagarriena Hegoafrikako Absa Cape Epic izan zen, zortzi etapa dituen lesterketa gogorra. Matthias Stirnemann-ekin bikotea osatuta zortzi minututako aldea atera zioten faboritoak ziren Christoph Sauser eta Jaroslav Kulhavy bikoteari. Schurterren hirugarren aldia zen parte hartzen zuena eta garaipena lortzearekin Munduko Kopako lasterketa guztiak irabazi zituen eta "Denboraldi perfektuaren" izedendapena jaso zuen.