Muskulu popliteo
Irudi gehiago
Xehetasunak
Honen parte	deep part of posterior compartment of leg (en)
Jatorria	groove for popliteus (en)
Insertzioa	posterior surface of tibia (en)
Artikulazioa	subpopliteal recess (en)
Nerbioa	nerve to popliteus (en)
Muskuluaren akzioa	flexion of the knee joint (en) medial rotation of the tibia at the knee joint (en)
Identifikadoreak
Latinez	m. popliteus
TA	A04.7.02.050
FMA	22590
Terminologia anatomikoa

Muskulu popliteoa, musculus popliteus ere deitua, belaunaren atzean dagoen hankako muskulu bat da, muskulu gastroknemioen (bikien)atzealdean dagoena; laburra, zapaldua eta triangelu formakoa da.^[1] Belauna tolestu eta honen barne errotazioaren hasieran laguntzen du.

Tibiaren atzeko aurpegian hasten da, soleoaren marra lapranaren gainetik.^[2]

Bere tendoia femurraren epikondilo lateralera abiatzen da. Muskulu hau ez dago belaunaren kapsularen barnean, baina bai bere tendoia.

L5 eta S1 ornoen artetik ateratzen diren nerbio espinalen adarrek osatutako nerbio tibialak inerbatzen du.

Belauna tolestea eragiten du. Behin tolestuta dagoela belaunaren barne errotazioa eragiten du. Bere funtzioa belaunaren flexioarekin batera hasten da belaunaren barne errotazio txiki bat eraginez.

Belauna guztiz hedatuta dagoenean, femurrak barne errotazio txiki bat hasten du tibiaren gainean, belauneko artikulazioa blokeatuz. Batzuetan popliteoari "giltza" izena ematen zaio, izan ere, honi esker aurretik aipatutako belaunaren artikulazioa desblokeatuko du.

Popliteoa belauneko kanpoko menisko edo menisko lateralera lotuta dago; belaunaren flexioan meniskoa atzerantz tiratzen du tolespenean tibiak eta femurrak zapaldu ez dezaten.

Belaunaren mailan, atzeko aldean, bikien insertzioaren gunean, gune popliteoa osatzen du. Bertan oso erraza da pultsoa hartzea.

Korrikalarietan oso ohikoa izaten da muskulu honetako tendoien lesioa (popliteoko tendinitisa).