Modesto Maiz Uriguen “Okelar”, (Mutriku, Gipuzkoa, 1925 - ib., 1997) herri-bertsolaria izan zen, Roman Maizen anaia.
Mutrikuko Laranga bailarako Pikuaga baserrian jaio zen. Bost urte zituela familiarekin batera Ibiri auzoko Okelar baserrira joan ziren bizitzera, eta hortik datorkio goitizena. Plazako lehenbiziko bertsoak Mendexan bota zituen Modestok, Jon Azpillagarekin. Baina herrian, koplari gisa nabarmendu da batez ere. Uztapide bertsolariak esana da “Hortxe zeudek Mutrikuko Ibiri bailaran Okelar anaiak; ikaragarrizko bertsolariak dituk eta inork ez dizkik ezagutuko eta hala joango dituk haiek mundutik" [1]
Erreferentziak
- ↑ Okelar: Ahotik paperera, 17-18. or.
Bibliografia
- Mutrikuko Bertso Eskola: Okelar. Mutriku, 1993.
- Okelar anaiak (Roman eta Modesto): Okelar: Ahotik paperera. 25 urte.
