Mirela Cabero García (Aranjuez, Madril, 1990eko uztailaren 31) madrildar abeslaria eta aktorea da. 2004ko Eurojunior mailako lehiakidea izan zenean eman zen ezagutzera.[1] Hainbat urtetan ohikoa izan da Eurovision lehiaketarako selekzio nazionalean. 2012an, La Voz telebista saioan parte hartu zuen, eta Melendiren taldean egon zen.
Objetivo Eurovisión saioan barne hautagaia izan zen, eta Manel Navarrorekin batera geratu zen lehen postuan, azkenean Navarro garaile izendatu zuten arte, epaimahaiaren berdinketa lortuta.[2][3]
Musika ibilbidea
Eurojunior 2004
2004. urtean hasi zuen profesionalki bere ibilbide musikala, urte horretako Eurovision Junior Kantu Jaialdian Espainia ordezkatu ahal izateko Eurojunior saioan parte hartu zuenean. Besteak beste, María Isabel López, Blas Canto, Lydia Fairén eta Rocio Cabrerarekin lehiatu zen saio horretan.[4] Final handira "Conocí el amor" izeneko abestiarekin iritsi zen, eta, azkenean, bigarren postuan geratu zen María Isabel Lópezekin tarte estuan. Azken horrek Espainia ordezkatu eta 2004ko Eurovision Juniorreko irabazlea izatea lortu zuen "Antes muerta que sencilla" abestiarekin.
Gente de Primera
Mirelak 2005ean TVEko Gente de primera izeneko talent showaren bigarren edizioan parte hartu zuen. Bere amabitxia Pastora Soler izan zen (2012ko Eurovision jaialdian Espainiaren ordezkaria izan zen abeslaria). "Adoro" eta "Amiga mia" abestiak elkarrekin abestu zituzten. Dulce Pontes portugaldarraren "Oye Mar" abestiaren interpretazioak kritika onak jaso zituen.
Mirelak bigarren postuan bukatu zuen lehiaketa, Nauzet Hernándezen (gero Pianet izenez ezaguna) atzetik.
Eurovision delakorako selekzioan (2007, 2008, 2009 eta 2017)
2007an, Espainiako "Misión Eurovisión" lehiaketan parte hartu zuen, eta bigarren geratu zen "La reina de la noche" abestiarekin. Orduko horretan, D'Nash taldea gailendu zen I love you mi vida izenburuko abestiarekin —Espainia ordezkatu zuen Eurovision 2007an—.
Hurrengo urtean, 2008an, Mirela berriro saiatu zen. MySpaceko "Salvemos Eurovision" lineako castingera aurkeztu zen "Stronger" abestiarekin, baina ez zen telebistaz emandako finalerako sailkatu.
2009an, Mirela berriro saiatu zen "Eurovision 2009: El retorno" saioan, "Nada es comparable a tí" izenburuko baladarekin. Bere abestiaren estiloko lehen postua irabazi zuen, R&B, 51.542 botorekin linean, bere gaia 3. finalerdietan, eta bigarren postuan geratu zen. Azkenean, El retorno saio horretako finalean, laugarren sailkatu zen. Soraya Arnelas abeslariaren La noche es para mí izan zen abesti irabazlea.
OGAE Second Chance Contest
Ogae Españak berraztertu zuen OGAE Second Chance Contest online lehiaketan Espainia ordezkatzeko eta hirugarren postuan geratu zen 2007 eta 2009an.
La Voz
La voz 1 saioan Melendiren taldean parte hartu zuen , eta aurrez aurreko borroketara iritsi zen. Javi Motarekin batera "Devuelveme la vida" abestia abestu zuen.
El Rey León
"El Rey León" musikalean hasi zen lanean, Madrilgo Lope de Vega Antzokian, eta Nala eta Sarabiren papera egin zuen.
Objetivo Eurovisión 2017
Mirela Objetivo Eurovisión Espainiako final nazionaleko finalistetako bat izan zen, TVEk barne mailan aukeratua. Espainia ordezkatzen saiatu zen Eurovision jaialdian, laugarrenez, Tony Sanchez-Ohlsson, Ander Perez eta Isaac Luquek konposatutako "Contigo" abestiarekin, eta Isaac Luquek, Ovi Jacobsenek (Errumaniako ordezkaria 2010ean eta 2014an) eta Brynjard Buvarp Misvezek ekoitzia. Azken fasean Manel Navarrorekin berdinketa izan zuen botoetan, bera izan zen ikusleen gogokoena eta Manel epaimahaiarena. Saioaren edizio horretan epaimahaiaren botoak berdinketa desegin zuen; 2014. urtean, Ruth Lorenzok Dancing in the Rain gaiarekin eta Brequettek Masekin lortutako berdinketa boto telematikoari azken hitza emanda erabaki zen (dena den, nabarmendu behar da RTVEk ez duela inoiz hautaketa prozesu finkorik izan, arauak urtero aldatu ohi dira eta.).[5] Irizpide aldaketa horrek nolabaiteko ezinegona sortu zuen platoan, eta prozesua “tongo” kalifikatzen zuten txutxu-mutxuekin azaldu zen; are gehiago, epaimahaikide bati eraso egin zioten galara bertaratu zirenek.[6]
Mirela Eurovision jaialdirako hautagai aurkeztu da hainbat aldiz (2007, 2008, 2009 eta 2017), baina ez du lortu, eta hurrengo urteetan berriro saiatuko zela baieztatu zuen abeslariak. "Lortu arte ez dut etsiko", adierazi zien hedabideei. Edizio horrek hartu zuen polemikan nahasita egon ondoren, abeslariaren ametsa betetzetik urrun gelditu zen, Television Españolak betoa jarri baitzion; beraz, ez d uberriz parte hartuko RTVEk ekoitzi eta antolatu bitartean.[7]
Mirela Caberoren fan klub ofiziala
2017ko urtarrilaren 14an, Club de Fanes Oficial de Mirela Cabero sortu zuten Aranjuezeko gazteek Espainian. Abeslariak behin baino gehiagotan adierazi du haienganako esker ona eta maitasuna. Gainera, CFO Españolek zozketak eta lehiaketak egiten ditu bere jarraitzaileak dibertitzeko.
Diskografia
Bakunak
| Urtea
|
Izenburua
|
Beste batzuk
|
| 2004
|
"Conocí el amor"
|
Eurojunior 2004
|
| "Sí o no"
|
| 2007
|
"La reina de la noche"
|
Mision Eurovisión 2007
|
| "Tu voz se apagará"
|
| "I Love You, mi vida"
|
| "Busco un hombre"
|
| "Una lágrima"
|
| 2008
|
"Stronger"
|
Salvemos Eurovisión
|
| 2009
|
"Nada es comparable a ti"
|
Eurovisión: El Retorno
|
| 2017
|
"Contigo"
|
Objetivo Eurovisión
|
Erreferentziak
Ikus, gainera
Kanpo estekak
