Minna Keene

Minna Keene

Bizitza
JaiotzaBad Arolsen, 1861eko apirilaren 5a
HeriotzaOakville, 1943ko azaroaren 5a (82 urte)
Familia
Ezkontidea(k)Caleb Keene  (1887 -
Seme-alabak
Jarduerak
Jarduerakargazkilaria
KidetzaRoyal Photographic Society
The Linked Ring

Minna Keene, ezkondu aurretik Minna Töneböne, (Rumbeck, Waldeck, Hessisch Oldendorf, 1859ko otsailaren 5a – Oakville. Ontario, 1943ko azaroaren 5a) bere kasa ikasitako argazkilaria izan zen, batez erretratugile arrakastatsua.[1]

Biografia

Minna Keene Doris Wilhelmine Charlotte Töneböne izenarekin jaio zen Rumbeck-en (Waldeck, gaur egun Hessisch Oldendorf, Alemania), 1859ko otsailak 5ean.

Dorothea Charlotte Töneböne-n (1832–1874) ezkontzaz kanpoko alaba zen.[2] Ama Louis Bergmann (1822–1879) izeneko polizia eta musikari ohiarekin ezkondu zen Arolsen-en (Waldeck), 1862an, eta alabari abizena eman zion eta Minna Bergmann gisa konfirmatu zuten Arolsenen Pazkoa igandean, 1872an.[3]

Hainbat herrialdetan bizi izan zen: Erresuma Batua, Hego Afrika eta Kanada.[4]

Caleb Keene-ekin ezkondu zen 1887an, Chelsea-n, Londres.[4] Caleb Keen 1862an jaio zen; dekoratzaile ikaslea zen eta Elmer Ezra Keene (1853–1929) paisaia margolariaren eta argazki artistaren anaia zen. Minna Keenen alaba Violet Keene ere argazkilaria izan zen.[5]

Oakville, Ontarion, Kanada, hil zen 1943an.

Lana

Minna Keene Linked Ring argazki elkarteko lehen emakume argazkilarien kide izan zen. Argazki elkarte haren helburua zen erakustea argazkigintza artea eta zientzia dela era berean eta arte ederren arloan indarra ematea.[6]

Londresko Argazki saloiaren kide ere izan zen eta Royal Photographic Society (‘Errege Argazki Elkartea’) elkartearen kide gisa onartutako lehen emakumea[7], non urtero egin zituen erakusketak 1911tik 1929ra.[8]

1890eko hamarkadaren bukaera aldera, lehen aldiz aipatu zuten Minna Keene argazkigintzako britainiar lanetan: arrakastaz bere lana The Studio arte aldizkariko sariketara aurkeztu zuenean, eta tokian tokiko argazki elkarteetara (adibidez, Chelmsford Camera Club eta Southsea Exhibition).[9] Ingalaterran egin zuen bere lehen lanen gaien artean loreak, landareak eta txoriak zeuden eta bere lan botaniko eta ornitologikoak 1920ko hamarkadako britainiar testu liburutan erabili ziren.[8]

Hego Afrikan, Minna Keenek hegoafrikar ezagunen argazkiak egin zituen, gero aldizkarien azaletan argitatutakoak eta postal ugari ere egin ziren, esate baterako, Our Malay Washerwoman (1903–1913).[8]

Kanadara emigratu zuen 1913 inguruan. 1914-1915 urteetan Mendi Harritsuei argazkiak ateratzeko lana eskatu zioten Kanadako Canadian Pacific Railway tren enpresakoek, turistentzat mendietara bidaiak saltzeko.[8]

1920an, argazki estudioa ireki zuen Toronton eta gero Oakville-era joan zen bizitzera 1922an.

Pomegranates by Minna Keene (1910).

Argazkigintzan eta argazki tekniketan emakume argazkilariek lan handia egin arren, ez ziren kontuan hartu izan garai hartako gizonak beste. Sari asko irabazi zituen eta argazki estudioak sortu zituen Hego Afrikan eta Kanadan.[10]

Laura Jones kontserbadoreak 1983an sortutako emakume argazkilarien erakusketa baten ondorioz, Keene ama-alaben lana berreskuratua izan zen. Hainbat lekutan egon zen erakusgai: Ontarioko Arte Galeria eta Londresko Arte Galeria Erregionala.[8]

Erakusketak

  • 1910: Erresuma Batuko Royal Photographic Society elkartearen 55. urteroko erakusketa[11]
  • 1911: Erresuma Batuko Royal Photographic Society elkartearen 56. urteroko erakusketa[12]
  • 1913: Erresuma Batuko Royal Photographic Society elkartearen 58. urteroko erakusketa[13]
  • 1983: Rediscovery: Canadian Women Photographers 1841–1941, London, Ontario, Kanada.
  • 2016: Painting with Light: Art and Photography from the Pre-Raphaelites to the Modern Age, Tate Britain, Londres.[1][14][15]

Bildumak

  • Science and Society Picture Library (‘Zientzia eta Gizarte Argazkien Liburutegia’), Science Museum Group, Londres[16][17]
  • Erresuma Batuko Artxibategi Nazionalak (‘The National Archives’), Kew, Londres[18].
  • Minna eta Violet Keenen argazki artxiboak Torontoko Metropolitan Unibertsitateako Irudi Zentroan gordetzen dira.[8]

Ohoreak

  • 1908: Erresuma Batuko, Royal Photographic Society elkarteko kide.[7]

Minna Keenen argazkidun liburuak

  • Jones, Laura (1983): Rediscovery: Canadian Women Photographers 1841–1941. North London, Canada: London Regional Art Gallery. ISBN 978-0920872253. 13 emakumeren lana jasotzen duen erakusketa katalogoa: Rossetta E. Carr, Clara Dennis, M. J. Dukelow, Millie Gamble, Mattie Gunterman, Elsie Hollway, Minna Keene, Hannah Maynard, Annie G. McDougall, Geraldine Moodie, Gladys Reeves, Madge Smith, Edith S. Watson.[19]
  • Royal Photographic Society. Women by Women. Rohnert Park, CA: Pomegranate, 1996. 12 emakumeren lana jasotzen duen egutegia: Anne Brigman, Pamela Booth, Eleanor Parke Custis, Gertrude Käsebier, Madame D'Ora, Adelaide Hanscom, Minna Keene, Rosalinda Maingot, Gisela Markham-Szanto, Eveleen Myers, Hilda Stevenson, Dorothy Wilding.
  • Bassnett, Sarah; Parsons, Sarah (2023): Photography in Canada, 1839–1989: An Illustrated History. Toronto: Art Canada Institute, 2023. ISBN 978-1-4871-0309-5.

Erreferentziak

  1. ↑ a b Crompton, Sarah (2015-05-06). "She takes a good picture: six forgotten female pioneers of photography". The Guardian.
  2. ↑ Landeskirchliches Archiv Hannover, Rumbeck church registers, Taufbuch, Band I, 1833–1889, Seite 135, No. 513 (4 for 1859), (suskripzioa behar da).
  3. ↑ Landeskirchliches Archiv Hannover, Rumbeck church registers, Trauungsbuch 1, 1833–1890, Seite 90, no. 164, http://www.archion.de/p/300b73ec68/ (suskripzioa behar da). Landeskirchliches Archiv Hannover, Rumbeck church registers, Taufen 1821-1833/Konfirmationen 1833–1892, http://www.archion.de/p/8d0a9fd83b/ (suskripzioa behar da).
  4. ↑ a b Hewison, Hope Hay (1989). Hedge of Wild Almonds: South Africa, the Pro-Boers & the Quaker Conscience 1890–1910. Currey. ISBN 978-0-85255-030-4.
  5. ↑ "Minna Keene (1861–1943): Pictorial Portraitist". Matters Photographical. .
  6. ↑ "Keene, Minna", Canadian Women Artists History Initiative. Kontsultatua 2013-05-08.
  7. ↑ a b Jones, Laura. "Minna Keene". The Canadian Encyclopedia.
  8. ↑ a b c d e f Bassnett, Sarah; Parsons, Sarah (2023). Photography in Canada, 1839–1989: An Illustrated History. Toronto: Art Canada Institute. ISBN 978-1-4871-0309-5.
  9. ↑ Hudson, Giles. "Minna Keene (1861–1943): Pictorial Portraitist". Matters Photographical.
  10. ↑ Crompton, Sarah (2016-05-06). "She takes a good picture: six forgotten female pioneers of photography". The Guardian.
  11. ↑ 1910 Fifty-fifth Annual Exhibition of the Royal Photographic Society of Great Britain". De Montfort University. 12 January 2016.
  12. ↑ "1911 Fifty-sixth Annual Exhibition of the Royal Photographic Society of Great Britain". De Montfort University. 12 January 2016.
  13. ↑ 1913 Fifty-eighth Annual Exhibition of the Royal Photographic Society of Great Britain". De Montfort University. 12 January 2016.
  14. ↑ Wullschlager, Jackie (2016-05-13). "'Painting with Light' at Tate Britain". Financial Times.
  15. ↑ ."Painting with Light | Art in London". Time Out London.
  16. ↑ Stock photo and image search by Science & Society Picture Library. www.scienceandsociety.co.uk.
  17. ↑ Smith, Rebecca (2013-08-12). "Researching female photographers in our archives"
  18. ↑ ."Catalogue description 'Photograph of gooseberries'. Copyright owner of work: Minna Keene, 112 Gloucester..." January 6, 1903 – via National Archive of the UK.
  19. ↑ Canadian Reference Sources: An Annotated Bibliography: General Reference Works, History, Humanities. UBC Press, 1996. Mary E. Bond (compiler and editor) and Martine M. Caron (compiler). ISBN 9780774805650

Kanpo estekak