MedellínKolonbiako ipar-mendebaldeko hiria da, Antioquiako departamenduaren hiriburua. Itsas mailatik 1.538 metrora dago. Herrialdeko bigarren hiririk handiena da, 2.486.723 biztanlerekin, 3.821.797 biztanle metropoli-eremuan. Urrezko triangelua-ren barruan dago, Bogota, Cali eta Pereira hiriekin batera. La ciudad de la eterna primavera, Capital de la montaña eta Ciudad de las flores ezizenak eman zaizkio.
1826an Antioquiako hiriburu izendatu zuten, Santa Fe de Antioquia-k kolonia garaitik zuen titulua. XIX. mendean zehar, Medellín merkataritza-gune dinamiko gisa garatu zen, lehenik urrea esportatzen zuen, gero hiriaren industrializazioaren salgaiak eta gaur egun zerbitzugune garrantzitsua da.
Medellín Kolonbiako produkzio-zentro nagusietako bat da, eta enpresa nazional eta multinazional garrantzitsuen egoitza nagusia da, besteak beste: ehungintza, jantzigintza, metalgintza, energia, finantza, osasuna, telekomunikazioak, eraikuntza, automozioa eta elikadura, besteak beste. Duela gutxi, laugarren industria iraultzaren epizentroetako bat izendatu dute.
Geografia
Klima
Hiriaren latitudeak eta altitudeak klima ekuatoriala (Af) eragiten du, hilero 18 °C eta 60 mm-ko euritik gora egiten baitu, nahiz eta altitudea dela eta tenperaturak ez diren altuak. Klima epela eta hezea da, batez beste 21,6 °C-ko tenperaturarekin. "Betiko udaberriaren hiria" goitizena urte osoan zehar klima uniformearen ospetik dator, abendua eta urtarrila bitartean tenperatura aldakuntza txiki batzuk eta ekaina eta uztaila bitartean, urteko sasoirik lehor eta beroenak izanik. Hala ere, alde nabarmenak daude hiriko auzoetako kliman.
