Marta Fernández Herraiz (Santiago de Compostela, 1980) galiziar aholkularia da, LesWorking-en sortzailea, eta REDI Dibertsitate eta Inklusioaren aldeko LGBTI Enpresa Sareko zuzendarikide nagusia. Lesbiana da berak argi adierazten duenez, eta LGBT kolektiboko eragin handieneko pertsonetako bat da.
Biografia
Santiagon jaio zen 1980an.[1] Zuzenbidean eta Enpresetan lizentziatura bikoitza du Madrilgo Carlos III.a Unibertsitatean, eta Enpresa Institutuan enpresa-administrazioan masterra. Hamar urte baino gehiago eman zituen KPMG moduko enpresa multinazionalentzako aholkularitza estrategikoan eta negozio aholkularitzan, Espainian, Italian, Estatu Batuetan, Mexikon eta Argentinan proiektuak garatzen.[2]
LesWorking-en sortzailea da. Lesbiana diren emakumeentzako nazioarteko lehen sare profesionala, eta bere helburua emakume lesbianak konektatzea eta ahalduntzea da, komunitate lesbikoaren ikusgarritasun integratzaile eta positiboa sustatuz.[3]
Herraiz REDI Espainiako LGBTI Dibertsitate eta Inklusioaren aldeko Enpresa Sareko zuzendari nagusia da, eta, era berean, Espainiako LGBTI+ langileen eta aliatuen dibertsitatearen eta inklusioaren arloko profesionalen enpresa-arteko lehen elkartea eta erreferentziako foroa da.[4]
Halaber, European Lesbian* Conference (EL*C) Europako eta Erdialdeko Asiako emakume aktibista lesbianen sareko kidea da.[5] Gainera, It Gets Better España erakundeko enbaxadorea da, eta AEBetako Estatu Departamentuko ikasle ohia[6][3]
TEDx Valladoliden hizlari izan da eta Europa, Estatu Batuak eta Latinoamerikako foro nazional eta internazionaletan parte hartu du.[7][3]
Kira Fumerorekin batera, Lesbianas, así somos argitaratu du, oraindik oso ezezaguna den emakume lesbianen errealitateari heltzeko.
Aintzatespenak
- Espainian eragin handiena duten LGBT kolektiboko pertsonetako bat da, El Mundo, El Confidencial edo El Español bezalako hedabideek egindako rankingen arabera.[3]
- Top100 Emakume Liderretako bat da.
- Madrilgo Erkidegoko Emakumearen Izar bat jaso zuen.
- LGBT sari bat jaso zuen
- Baeza Dibertsitate saria
- IEko EPIC sarietarako izendatu zuten 2018an.[8][9][10][11]
Erreferentziak
Kanpo estekak
