Margalida Roig i Colomar (San Jose, 1908ko azaroaren 17a - Eivissa, 1966) espainiar sindikalista izan zen.
Ibilbidea
1908an jaio zen langile familia batean, baina bazuten nolabaiteko kultura, Margalidaren amonak irakurtzen eta idazten baitzekien.[1]15 urte zituela, Can Ventosako oihal-fabrika batean hasi zen lanean.[2] Garai hartan lan bolumen handia zuen fabrika zen. Emakumeek egiten zuten lan, eta ekoizpen handiko garaietan 150 emakumek baino gehiagok egiten zuten lan.[1]
Roig i Colomar Eivissako Herriko Etxean biltzen ziren beste sindikalista gazte batzuekin harremanetan zen, Joan Castelllorekin, besteak beste. Emakumeen Langile Batasunaren sorreran oso aktiboki parte hartu zuen 1936ko martxoan.[2] Can Ventosa Galtzeteria Hispanikoko langileen taldeko presidente izendatu zuten.[1]Taldeko presidente zela patronalari hobekuntzak proposatu zizkion, baina patronalak ez zituen onartu, eta langileek greba mugagabea deitu zuten. Greba hori babesteko, sozialistek, komunistek eta anarkistek bat eginda deitu zuten 1936ko uztailaren 18an.[1][3]
Gerra zibila hastearekin batera, Margalida Palmako Can Salesko kartzelan espetxeratu eta bizi osorako kartzela zigorra ezarri zioten, matxinadarekin bat egitea egotzita. Urte hartan, ordea, espetxealdi arindutik atera eta bere etxera joan zen, baina ezin izan zuen etxetik irten lan eta betebehar erlijiosoengatik ez bazen.[1]
Josep Bonetekin ezkondu zen eta 3 seme-alaba izan zituzten. 1946an indultua eman zioten eta Dalt Vilan bizi izan zen, hogei urte geroago, 1966ko ekainaren 28an, hil zen arte.
Aintzatespenak
2020ko irailean San Joseko udalak kale bat eskaini zion. Hala ere, 2023ko azaroaren 28an udalaren osoko bilkurak berak Alderdi Popularraren eta VOXen botoekin kalearen izena kentzea onartu zuen.[4][5][6]
Ikus, gainera
Erreferentziak
Kanpo estekak
