Manuela Antonia Márquez

Manuela Antonia Márquez
Bizitza
Jaiotza1844
Herrialdea Peru
Heriotza1890 (45/46 urte)
Familia
Haurrideak
Hezkuntza
HeziketaColegio Sagrados Corazones Belén (en) Itzuli
Hizkuntzakgaztelania
Jarduerak
Jarduerakidazlea, musikagilea, poeta eta piano-jotzailea

Manuela Antonia Márquez y García Saavedra (1844–1890) perutar idazle, poeta, musikagile eta piano-jotzailea izan zen[1].

Bizitza

Arte ederretan nabarmena zen familia batetik zetorren. Luis eta José Arnaldo Márquez perutar idazle ezagunen arreba zen[2].

Limako Sagrados Corazones Belén ikastetxean ikasi zuen. Bere artikulu eta poema asko Peruko aldizkarietan argitaratu zituen, hala nola El Correo, El Cosmorama eta La Alborada, izengoiti bat erabiliz[2]. Poema batzuk Parnaso peruano (1871) eta Poetisas americanas (1896) bildumetan sartu ziren[2].

Literatura jarduerez gain, piano-jotzaile eta musikagilea ere izan zen. Ahots eta pianorako hainbat konposizio moldatu zituen[3]. Gainera, La novia del colegial Peruko lehen zarzuela dramatikoaren egilea izan zen[4].

Delia Castro Márquez idazlearen ama, Serafina Quinteras idazlearen amona eta Blanca Varela poetaren birramona zen[5][6].

Erreferentziak

  1. ↑ (Gaztelaniaz) Balta, Aída. (1998). Presencia de la mujer en el periodismo escrito peruano (1821-1960). Universidad de San Martín de Porres, Facultad de Ciencias de la Comunicación, Turismo y de Psicología, 80 or. (Noiz kontsultatua: 2025-01-09).
  2. ↑ a b c (Gaztelaniaz) García y García, Elvira. (1925). La mujer peruana a través de los siglos. Universidad de Florida (Noiz kontsultatua: 2025-01-09).
  3. ↑ (Gaztelaniaz) Cortés, José Domingo. (1871). «Manuela Antonia Márquez» Parnaso peruano. Imprenta Albion de Cox y Taylor, 403 or. (Noiz kontsultatua: 2025-01-09).
  4. ↑ (Gaztelaniaz) Poetas peruanas del siglo XIX. Lima: Municipalidad de Lima (argitaratze data: 2020) (Noiz kontsultatua: 2025-01-09).
  5. ↑ (Gaztelaniaz) Pérez, Celeste. «Blanca Varela: ¿por qué es importante continuar leyendo su obra en tiempos actuales?» El Comercio 2020-08-11 (Noiz kontsultatua: 2025-01-09).
  6. ↑ (Gaztelaniaz) «Blanca Varela, motrileña de cuarta generación» Ideal 2007-05-07 (Noiz kontsultatua: 2025-01-09).

Kanpo estekak