Lehen gaueko eskubidea (latinez ius primae noctis) Erdi Aroan jauntxoek beren jabetzako edo menpeko lursailetan bizi ziren neska gazteekin sexu harremanak izateko zuten ustezko eskubide bat zen. Maiz, eskubide anker hori neska gazteak euren bikoteekin ezkondu aurretik erabilia izaten zen: horrela, jauntxoak neskaren ustezko birjintasuna galarazten zion, eta bide batez, haren senargaia ere jendaurrean umilatuz bere menpekoen gaineko ustezko nagusitasuna adieraziz.

Zineman Erdi Aroan girotutako filma ugaritan azaldu izan da, adibidez The War Lord (1965) eta Braveheart (1995) filmetan.