La leyenda del tiempo (euskaraz Denboraren kondaira) Camarón de la Isla abeslari flamenkoak 1979ko ekainaren 16an plazaratutako hamargarren albuma da. PolyGram konpainia diskografikoa argitaratu zuen. Flamenkologiaren arabera musika mota horren album garrantzitsuenetariko bat da.
Balorazioa
Lehen unean albumak iraultzailearen definizioa jaso zuen. Hasieran flamenkoren puristek gogor kritikatu zuten baina egun klasiko bat gisa dago onartuta.[1] Albumak, batetik, elementu berritzaileak zekarren, esaterako, bxu elektrikoaren erabilera. Kolaboratzaileak, bestetik, maila altukoak ziren. Disko honetan, besteak beste, Tomatito, Raimundo Amador, Kiko Veneno mailako artistak bildu ziren.
Publiko aldetik, hasieran, harrera hotza izan zuen. Ricardo Pachón ekoizleak honako hau esan zuen: "Erosle batzuk diskoa itzuli zuten Camarónena ez zela esanez".[2] Joera hori ondoren aldatu zen. Horrela, Espainiako Rolling Stone aldizkariak egindako inkesta batean "Tiempo de leyenda" abestia estatu horren Pop/Rock historiaren laugarren abesti onena gisa gelditu zen.
Abestiak
- La leyenda del tiempo (Federico García Lorca/ Ricardo Pachón) – (Bambera) 3:41
- Romance del Amargo (García Lorca/Pachón) – (Buleriak soleáren arabera) 3:47
- Homenaje a Federico (García Lorca/Pachón/Kiko Veneno) – (Buleriak) 4:10
- Mi niña se fue a la mar (García Lorca/Pachón/Veneno) – (Cantiñas de Pinini) 3:05
- La Tarara (Ricardo Pachónen moldaketak eta itzulpena) – (Abestia) 3:46
- Volando voy (Veneno) – (Rumba) 3:25
- Bahia de Cádiz (Pachón/Fernando Villalón) – (Alegriak) 2:56
- Viejo mundo (Omar Khayyám/Veneno) – (Buleriak) 2:45
- Tangos de la Sultana (Antonio de Casas/Pachón/Francisco Velázquez) – (Tangoak) 4:29
- Nana del caballo grande (García Lorca/Pachón/Gualberto) – (Sehaska-kanta) 4:58
Parte-hartzaileak
Erreferentziak
Kanpo estekak