Jauregi Handi dorretxea edo Jauregi dorretxea, Gipuzkoako Amezketa udalerrian dagoen dorretxe bat da, Tolosaldea eskualdean. Alegitik datorren errepidearen bazterrean, herriaren sarreran, eskuinera dago.
Historia
Izen berdineko leinuaren jauretxea da, udalerri honetan antzinetik bizi den leinua. Leinu Gerren garaian Oinaztarren aldekoa izan zen.
Eraikina
Eraikinaren aurrealdia zuriz margotua dago, Jauregi leinuaren armarria, alderik-aldeko balkoia eta Jauregui Aundi idazkia agerian ditu. Gaur egun baserria da.