Iñaki Otaegi, ezizenez Gibitegi (Goiatz, Gipuzkoa, 1958ko urriaren 6a[1]) gipuzkoar harri-jasotzaile bat da.
Biografia
19 urterekin Azkoitian harrijasoketan hasi zen. 1,84 metroko garaiera eta 128-130 kiloko pisuarekin garaiko harri handiak altxatzeko gorpuzkera aproposa zuen. 1990 urtean Albitzuri Haundi harriari 11 altxaldi eman zizkion eta lehiaketa irabazi zuen.
1993ko urtarrilaren 10ean Zizurkilen 300 kiloko harri laukizuzena jasotzea lortu zuen, honenbestez Euskal Herrian Iñaki Perurenarekin batera 300 kiloko harria jasotzen bigarren harrijasotzailea bilakatu zen.
Erreferentziak
