Izerdia landareen ehunetako hodietan barrena garraiatzen den fluidoa da. Badira landareek izerditutako beste likidoak, esaterako latex, zerumen, erretxina ... Horiei askotan izerdia esaten bazaie ere, gaizki esanda dago, beste motatako fluidoak baitira. Izerdiaren garraioa basipetoa da, hau da, sustraietatik hostoetara.

Bi izerdi mota bereizten dira:

• Izerdi landugabea, gorantz doa eta gehien batean ura du beste substantziez batera: elementu mineralak, hazkuntzaren erregulatzaileak eta beste.
• Izerdi landua, aurreko osagaiez gainera gai organikoak ere badaramatza. Gai organiko horiek gluzidoak, lipidoak eta protidoak dira.

Izerdiaren bitartez landareak elikatu egiten dira: sustraien bidez ura eta gatz mineralak xurgatzen dituzte eta izerdiaren bitartez gorantz igorri egiten dute. Ostoetan, izerdi landugabea karbono dioxidoaz nahastu egingo da eta fotosintesi bidez izerdi landua sortuko du; azken honek landarea elikatuko du. Ura lurrinduz, ondoren,atmosferara itzuli egiten da.

• Xilema
• Floema
• Fotosintesia

• Raven, P.H., Evert, R.F. and Eichhorn, S.E. 1999. Biology of Plants. W.H. Freeman.
• Taiz, L. and Zeiger, E. 1998. Plant Physiology. Sinauer Associates, Sunderland, Mass.
• Strassburger, E. 1994. Tratado de Botánica. 8.arg. Omega, Bartzelona, 1088 p.

• Landareen elikadura [1]