Israel eta Libano arteko muga

Israel eta Libano arteko muga
borders of Israel
borders of Lebanon
Geografia
Herrialdeak Israel
 Libano
Luzera79 km
Israeli–Lebanese maritime border dispute

Israel eta Libano arteko muga estatu bien arteko muga internazionala da.

Historia

1923an, Libano Handia sortu ondoren, Frantziako (Libano Frantsesa) eta Erresuma Batuko (Palestinako Britainiar Mandatua) potentzia mandatarien arteko akordioaren bidez muga ezarri zuten, antzinako Otomandar Inperioaren lurraldeetan banatu zituzten Sykes-Picot Hitzarmenean oinarrituta bi potentzia horien eragin-eremuak ezarriz.[1][2] 1947ko azaroaren 29an, Nazio Batuen Batzar Nagusiak Palestina banatzeko plana bozkatu zuenean, ibilbidea berretsi zuten.

Hala ere, 1948ko arabo-israeldar gerran, Israelek Galilea anexionatu zuen, Libanorekin muga egiten zuena eta Nazio Batuen Batzar Nagusiaren 181. Ebazpenean ezarritakoaren arabera, Arabiar Estatuaren parte izan behar zuena. 1949an Israel eta Libanoren arteko armistizio bat sinatu zutenean, mugatzat hartzen ez zuten armistizio lerro bat ezarri zuten. Israel hegoaldeko Libanotik erretiratu ondoren (Israelek 1978tik 2000ra okupatu zuena), NBEk beligeranteen arteko Bereizketa Lerro Urdina deiturikoa trazatu zuen, Libanok formalki hegoaldeko mugatzat onartu ez zuena.[3]

1981ean Israelek 1967an Sei Eguneko Gerran konkistaturiko Golango Gainak bereganatu zituen. Libanok 2000. urtetik Golango gainetan dauden Shebaako etxaldeak erreklamatu ditu, Siriak hala adostuta.[4]

Libanok Israelgo Estatua onartzen ez duenez, ez du harekin muga-hitzarmenik sinatu. Bi herrialdeak banatzen dituen lerroa, beraz, Lerro Urdina da, NBEk 2000an marraztutako lerroa, Israelgo Defentsa Indarrek herrialdearen hegoaldetik egindako erretiratzea erregistratzeko sortutakoa.

Erreferentziak

  1. ↑ Pappe, Ilan. The Making of the Arab-Israeli Conflict, 1947–1951, I. B. Tauris; New Ed edition (Augusto 15, 1994), p. 3-4.
  2. ↑ Aruri, Naseer Hasan. Jordan: A Study in Political Development 1923–1965. The Hague: Martinus Nijhoff, 1972. p. 17.
  3. ↑ (Ingelesez) International Boundary Study - Israel-Lebanon Boundary, 15 February 1967. .
  4. ↑ (Ingelesez) SECURITY COUNCIL ENDORSES SECRETARY-GENERAL"S CONCLUSION ON ISR"LI WITHDRAWAL FROM LEBANON AS OF 16 JUNE - Meetings Coverage and Press Releases. .

Ikus, gainera

Kanpo estekak