Irene Villa
(2013) Irudi gehiago
Bizitza
Jaiotzako izen-deiturak	Irene Villa González
Jaiotza	Madril, 1978ko azaroaren 21a (46 urte)
Herrialdea	Espainia
Familia
Ezkontidea(k)	Juan Pablo Lauro (en)  (2011ko ekainaren 4a -  2018) David Serrato (en)  (2024ko irailaren 21a -
Hezkuntza
Heziketa	Madrilgo Unibertsitate Europarra
Hizkuntzak	gaztelania
Jarduerak
Jarduerak	kazetaria, eskrimalaria eta idazlea
Jasotako sariak	ikusi Urrezko Antena  (2012)
irenevilla.org

Irene Villa González (Madril, 1978ko azaroaren 21a) madrildar kazetaria, idazlea eta psikologoa da, Hizlari aritzen da prentsa idatzian zein irratian. Alpetar eski egokituko eta esgrima kirolaria ere bada. Hamabi urte zituela, ETAren atentatu larri bat jasan zuen amarekin batera. Bonba baten eztandaren ondorioz, bi hankak eta ezkerreko eskuko hiru hatz galdu zituen. 2007ra arte Madrilen Terrorismoaren Biktimen Elkartearen ordezkaria izan zen.^[1]

Gurasoak Maria Jesus González Poliziaren Zuzendaritza Nagusiko funtzionarioaren eta Luis Alfonso Villa taxilaria izan ziren. 1991ko urriaren 17an, hamabi urte zituela, ETA talde terroristaren atentatu larri bat jasan zuen bonba-auto batekin Madrilgo Aluche auzoko Camarena kalean, ikastetxerako bidean. Bere amarekin zihoan ibilgailuan itsatsitako bonba batek eztanda egin zuenean. Atentatu horretan, Irenek hankak eta esku bateko hiru hatz galdu zituen. Amak hanka bat eta beso bat galdu zituen.^[2]

Polizia iturrien arabera, ETAk Los Carmenes barrutiko komisarian lan egiten zuen polizia inspektore baten heriotza eragin nahi zuen, Irene Villaren amarekin lotura sentimentala zuena.^[3] Egun horretan bertan, ordubete lehenago, ETAk Francisco Carballar Lurreko Armadako tenientea hil zuen beste bonba lapa batekin; arratsaldean, Rafael Villalobos Infanteriako komandantea larri zauritu zuen. Jose Javier Arizkuren Ruiz, Kantauri, eta Soledad Iparraguirre, Anboto etakideei leporatzen diete Irene Villak eta haren amak jasandako atentatua.^[4]

Ikus-entzunezko Komunikazioan lizentziatu zen Madrilgo Unibertsitate Europarrean, eta Psikologia eta Humanitate ikasketak ere baditu.^[5]

2004an "Saber que se puede" liburua idatzi zuen,^[6] eta bertan bere esperientzia eta hausnarketak islatu zituen. Prentsako zutabegilea da eta hainbat irratitan kolaboratzen du. Juan Pablo Colmenarejok zuzendu eta aurkezten duen COPE kateko La Linterna saioko esataria da. 2012an Urrezko Antena irabazi zuen 13tv telebista katean egindako lanarengatik.^[7]

ETArekin edozein negoziazio egitearen eta Jose Luis Rodriguez Zapateroren Gobernuak duela urte batzuk hasitako prozesuaren kontra agertu zen behin baino gehiagotan.^[8]

Irene Villa alpetar eskiatzaile paralinpikoa da, LW12-2 gisa sailkatua, eta También Fundazioko kidea da, jatorrizko zortzi kideetako bat izanik.^[9][10] Eski alpino egokituan aritu zen emakumezkoen lehen taldea izan zen Espainian.^[11] Talde horretako kide gisa, Teresa Silva, Esther Peris, Mariluz del Rio, Sandra Cavallé, Nathalie Carpanedo eta Alberto Avilarekin entrenatzen du.^[10] Villak hainbat urre irabazi ditu Espainia mailan lehiatuz, eta 2011n Espainiako Kopako txapeldun bilakatu zen aulkiko modalitatean.^[12][13] 2013ko martxoan Espainiako eslalom txapeldun eta Espainiako txapeldunordea bihurtu zen super erraldoi eta eslalon erraldoian.^[14]

• 2006. urtean, lehen aldiz parte hartu zuen kirol egokituko Txapelketa Nazional batzuetan, Asturiasen jokatutako eskrima egokitukoetan, hain zuzen ere. Txapeldunorde titulua lortu zuen ezpatan.^[15]
• 2007az geroztik, También izeneko fundazioaren alpetar eski egokituko lehiaketa-taldea osatu zuen.
• 2010ean bi urre lortu zituen Kataluniako Txapelketan (Erraldoia eta Slaloma). 2013an zilarra Erraldoian eta urrea Slalomean, Kataluniako Txapelketan, Port Ainén.^[15]
• 2013an Zilarra Erraldoian eta urrea lortu zituen Slalomean Cerler ren egin ziren Espainiako Txapelketetan.^[16]
• 2014an Urrea Slalomean eta zilarra Erraldoian irabazi zituen Andorran egin ziren Espainiako Txapelketetan.^[17]

• Saber que se puede. Recuerdos y reflexiones de una víctima del terrorismo. Planeta argitaletxea, 2004.^[18] ISBN 978-84-270-3065-7
• Saber que se puede, veinte años después. Edición ampliada y actualizada. Planeta argitaletxea, 2011.^[19] ISBN 978-84-270-3715-1
• Nunca es demasiado tarde, princesa. Planeta argitaletxea, 2013.^[20] ISBN 978-84-670-4021-0
• El libroabrazo. Espasa argitaletxea, 2015. ISBN 978-84-670-4332-7
• Como el sol para las flores. España Libros, 2015.^[21] ISBN 978-84-670-4516-1
• Los ochomiles de la vida. Espasa argitaletxea, 2020. ISBN 978-84-670-6026-3

Irene 2011ko ekainaren 4an ezkondu zen Juan Pablo Laurorekin, Madrilgo San Frantzisko Handiaren Errege Basilikan, eta hiru seme dituzte: Carlos Andres, 2012ko uztailaren 7an jaioa; Pablo Gael, 2015eko apirilaren 21ean jaioa; eta hirugarren semea, Eric Adriano, 2016ko abuztuaren 31n jaioa.^[22] Irene Villak eta Juan Pablo Laurok 2018ko abenduan banandu ziren.

Besteak beste, sari hauek jaso ditu:

• 1991: Rotary Club Madrid-Puerta de Hierro-ren Eredu Saria.^[23]
• 1992: Children of Europe saria Lady Diren eskutik jaso zuena Londresen.^[24]
• 1992: Asturiasko Printzearen Konkordia-sarirako izendatu zuten.
• 1998: Washingtongo Victoria Sarietarako, ANDE Domina.
• 2000: Zilarrezko Garbantzoa bere ausardiarengatik eta kemenarengatik.
• 2001: Joya de Madrid bakearen eta bizikidetzaren adibide gisa.
• 2002: San Pablo Eskola Nazionalaren Hezkuntza Baloreen Saria.
• 2007: Isabel Ferrer Saria.
• Zilarrezko Mikrofonoa Saber que se puede liburuarengatik.
• Merezimendu Humanitariorako Gurutze Handia.
• 2008an Elkarbizitzarako Miguel Ángel Blanco Fundazioaren Saria.
• Madrilgo Erkidegoko Emakume Konprometituen Saria.
• Ekialdeko Andaluziako Psikologoen Elkargoko Sari Ilustrea. Bere psikologia positiboaren zabalkundea.
• Terrorismoaren Biktimen Nazioarteko Behatokiak emandako Ausardia Zibiko Saria.
• 2012: Urrezko Antena.
• Irene Villa Fundazioaren Starlite Saria.
• Ciudad de la Raqueta sari berezia.
• 2016: Publifestival Ohorezko Saria bere ibilbide sozialarengatik. ^[15]
• 2013 – 2016: Espainiako eragin handieneko Top 100 zerrendako Emakume Liderretako bat izan zen.^[25]
• 2018an, Santo Angel polizia elkartearen urrezko domina eman zioten.^[26]

• Irene Villaren orrialde pertsonala.
• Dagokionari. Irene Villaren iruzkina COPEko Linterna aretoan
• Tiralineoak. Irene Villaren atentatuaren hedatze-uhina