Irene Gutiérrez Caba
Bizitza
Jaiotzako izen-deiturak	Irene Gutiérrez Caba
Jaiotza	Madril, 1927ko apirilaren 25a
Herrialdea	Espainia
Heriotza	Madril, 1995eko uztailaren 4a (68 urte)
Hobiratze lekua	La Almudenaren hilerria
Heriotza modua	: gibeleko minbizia
Familia
Aita	Emilio Gutiérrez Esteban
Ama	Irene Caba Alba
Seme-alabak	ikusi José Luis Escolar (en)
Haurrideak	ikusi Emilio Gutiérrez Caba Julia Gutiérrez Caba
Hezkuntza
Hizkuntzak	gaztelania
Jarduerak
Jarduerak	aktorea
Jasotako sariak	ikusi Arte Ederretako Merituaren Urrezko Domina  (1994) Premi Memorial Margarida Xirgu  (1976)

Irene Gutiérrez Caba (Madril, Espainia, 1930eko apirilaren 25a - ib., 1995eko uztailaren 4a) espainiar antzezlea izan zen.

Antzezle-familia batean hazi eta hezi zen, eta oso gazterik hasi zen antzerkian lanean. Protagonista gisa, 1963an lortu zuen lehen aldiz arrakasta, Alfonso Pasoren Los derechos del hombre ("Gizakiaren eskubideak") komedian egin zuen lanarengatik (Arte Ederretako Zirkuluko zilarrezko Minerva saria). Antzerkigintzan, Mihuraren obra askotan parte hartu zuen: Maribel y la extraña familia ("Maribel eta familia bitxia"), A media luz los tres ("Erdi itzalean hirurak"), El chalet de Madame Renard ("Madame Renarden txaleta"), El caso de la mujer asesinadita ("Txiki-txiki egindako andrearen kasua").

Genero guztietan aritu zen, eta era askotako paperak egin zituen, batez ere, dramatikoak: Una vez al año (1976, "Urtean behin"), Sopa de pollo con cebada (1979, "Oilasko-zopa garagarrarekin"), La vieja señorita (1982, "Andereño zaharra"), El cementerio de los pájaros (1982, "Txorien hilerria"), Abejas en diciembre (1987, "Erleak abenduan"), Cena para dos (1992, "Afaria birentzat") eta Siempre en otoño (1992, "Beti udazkenean"). Zineman eta telebistan ere aritu zen: Barrio (1957, "Auzoa") eta Historias de la frivolidad ("Fribolitatearen historiak") dira zinemarako eta telebistarako egindako lehen lanak. 1994an Arte Ederretako Merituaren urrezko Domina jaso zuen, bere ahizpa Juliarekin batera.