Irati Erakustazoka
Kokapena
Herrialdea	Euskal Herria
Probintzia	Lapurdi
Herria	Biarritz
Koordenatuak	43°27′55″N 1°32′12″W / 43.46528°N 1.53667°W / 43.46528; -1.53667
Historia eta erabilera
Irekiera	2010
Arkitektura

Irati Erakustazoka (frantsesez Halle d'Iraty) Biarrizko (Lapurdi) erakusketa gunea da.

Biarrizko hego-ekialdean kokatuta dago, Pitchot karrikan, Biarritz-Angelu-Baionako aireportua eta Harausta auzoaren artean eta Angeluko Brindos auzoaren ondoan. Izena Irati industrialdearen^[1] ondoan egoteagatik ipini zitzaion.

2010eko urtarrilean zabaldu zen urte bi iraun zuten lanak amaitu eta gero. Biarrizko Herriko Etxeak eta Euskal Kosta-Aturrik (orduan CABAB) deitzen zenak) bultzatutako ekimena da. Ipar Euskal Herrian eraiki den lehen erakustazoka da; 8000 m²ko azalera du eta hiru eremutan banatzen dira: bat azoketarako, bigarrena 1500 lagunentzako kongresuak egiteko eta hirugarrena 4500 lagunentzako ikuskizunetarako^[2].

Aparkaleku handia izateaz gain, bere kokapena oso egokia da aipatu ekimenetarako, Biarritz-Angelu-Baionako aireportuaren ondoan eta Biarrizko geltokitik zein A-63 autobideko Haraustako ordainlekutik hurbil dagoelako. Bere inguruan merkataritza eta industria gune handia garatu nahi dute.

Zabaldu zenetik hauexek dira bertan antolatu diren zenbait azoka:

• Éco'vie: lehena izan zen.
• Ardo eta Gastronomiaren Saloia.
• Camping carren Saloia.
• Zaharkizaleen Saloia.
• Vivrexpo.
• Nagusien Saloia.
• Solutions Maison azoka.
• Innobat.
• Lurrama: 2011n Baionatik erakustazoka honetara lekualdatua.

	Euskal Herriko biltzar jauregiak
Baluarte • Bilbao Exhibition Centre • Europa • Euskalduna • Ficoba • Kursaal • Irati • Refena