Hamza ibn Asad abu Ya'la ibn al-Qalanisi (1070 – 1160eko martxoaren 18a) XII. mendeko Damaskoko politikari eta kronikagile izan zen.
Biografia
Banu Tamim tribuko ondorengoa eta Damaskoko aitoren-seeme-alaben partaidea izan zen. Literatura, teologia eta zuzenbidea ikasi zuen. Damaskoko Diwan al-Rasa'il edo kantzelergoko idazkaria izan zen lehendabizi eta nagusia. Alkate antzeko hiriko ra'is bi aldiz izan zen.
Haren kronika, Dhail edo Mudhayyal Ta'rikh Dimashq (Damaskoko Kronikaren Jarraipena, alegia)Hilal bin al-Muhassin al-Sabi' kronikaren jarraipena izan zen. Kronologikoki 1056tik al-Qalanisiren heriotza arte 1160 urtean doa. Kronika honen interes nagusia Lehenengo Gurutzada arabiarren ikuspuntutik azaltzen duela da eta, horregatik, egungo historialarientzat informazio-iturri interesgarria da. XII. mendeko kronika berandutiarrek al-Qalanisiena oinarri gisa erabiltzen dute, Ibn al-Athir kronika barne.[1]
Erreferentziak
