Hughes H-4 Hercules (ezizenez Spruce Goose; matrikula NX37602), AEBetako ur-hegazkin erraldoi bat izan zen. Henry J. Kaiser ingeniariak diseinatu eta Howard Hughesen jabetzako Hughes Aircraft hegazkinlaritza enpresak eraiki zuen. Inoiz eraiki den ur-hegazkin handiena izan zen, bai eta hegal mutur batetik bestera inoizko zabalera handiena izan duen hegazkina ere.
1947ko azaroaren 2an, Howard Hughes beza pilotua zela, ur-hegazkinak lehenbizikoz eta azkenengoz hegan egin zuen, milia bat inguruko distantzia laburrean (1,6 kilometro inguru), 70 oineko garaieran (21 metro) eta 117 korapiloko abiaduran (217 km/ord) hegan egin zuen.
Garai hartan AEBetako Kongresuak Bigarren Mundu Gerra ondoren gastu militarrak murriztu nahian zebilenez, ur-hegazkin hau garatzeko diru laguntzak emateari uko egin zion, honenbestez proiektua bertan behera gelditu zen.
Kanpo estekak
