Hernia
Morgagniren hernia erakusten duen erradiografia bat
Deskribapena
Mota	eritasuna
Espezialitatea	Kirurgia orokorra
Identifikatzaileak
GNS-10	K40, K41, K42, K43, K44, K45 eta K46
GNS-9	550, 551, 552 eta 553
MedlinePlus	000960
eMedicine	000960
MeSH	D006547

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Hernia^[1] irekigune batetik organo bat edo ehun zati bat ateratzean sortzen den gaixotasuna da. Organoa edo ehuna gorputzetik kanpora atera edo gune batetik bestera igarotzen denean sortzen da (protrusioa). Ebakuntza bidez senda daitezke hernia gehienak.

Protrusioak gorputz atal askotan, arrazoi ezberdinengatik gerta daitezkeenez, "hernia" izenaren azpian elkarrekin zerikusi gutxi duten arazoak aurki ditzakegu. Besteak beste:

• Abdomeneko paretaren herniak.
• Izter-hernia.
• Diafragmatikoak.
• Perinealak: prolapsoekin oso lotuta.
• Garunarenak: kranio barruko presio handia, eta burhezurraren fraktura gertatzen denean.
• Ornoen arteko hernia diskalak.
• Kirurgiaren ostekoak: zanbroa gaizki ixten denean, azpiko ehunek kanpora irtenda.
• Paraestomalak: erraiak estoma artifizial batetik ateratzen direnean.
• Tibialis anterior muskuluaren herniak.^[2]

Larritasunaren arabera, hiru eratako herniak bereizten dira:

1. Hernia osatu duen gaia berriro bere tokian ezar ezin daitekeena.
2. Hernia osatzen duen gaia bere tokira eraman eta lotura edo tresna berezi baten bidez senda daitekeena.
3. Irekiguneak odol hodiak estutzen dituena, gangrena sorraraz dezakeena.

Sintomak ere, larritasunaren araberakoak izango dira; hernia guztiek ez baitute sintomarik ematen.