Gasteizko setioa 1834ko martxoaren 15ean, Lehen Karlistaldian zehar, Gasteizen jazo zen gudaldia izan zen. Gudua karlistek kristinatarren esku zegoen hiria hesitu zutenean piztu zen.
Setioa
1834ko martxoaren 15ean Tomas Zumalakarregik gidatutako tropa karlistak Otazu herrira iritsi ziren. Handik indarrak antolatu zituen. Iturralde gudukideari Gasteiz Santa Luzia eta Arana bitarteko hegaletik eraso zezala agindu zion. Jose Urangak zuzendutako Arabako 1. eta Nafarroako 4. bataloiek, aldiz, San Kristobaldik Zumakadira aurrera eginez biztanleria inguratu zuten. Zumalakarregi aurretik sartu zen, gaur egungo Errioxa kalea dagoen lekutik, eta Errege Atea kaleraino iritsi ondoren San Frantzisko aldapa jaitsiz. Borroka latza izan zen, baina defendatzaileek erasoei eutsi zioten eta hainbat karlista hil zituzten.[1][2]
Zumalakarregik Baldomero Esparteroren tropak Gasteiztik hurbil zeuden berri izan bezain laster, lasterka atzera egitea erabaki zuen. Erretretan kristinatarrek Domingo Retana kapitaina eta beste bi ofizial atxilo hartu zituzten. Joaquín de Osma jeneralak atxilotuak berehala fusilatzeko agindua eman zuen. Bien bitartean, Zumalakarregik karlistek Gamarran preso hartu zituzten 120 zaindari liberalak fusilatzeko agindu zuen. Denera 118 zaindari erail zituzten, Bruno Villarrealek ezagunak zituen eta isilpean gorde zituen bi zaindari izan ezik.[1][2]
Erreferentziak
Ikus, gainera
Kanpo estekak
.svg){kind=small}
