Frontea (gaztelaniaz: El frente) margolana Aurelio Artetak Biarritzen 1937an egin zuen. Artista Lapurdin Hegoaldetik ihes eginda zegoen. Lan hau "Gerraren triptikoa" izeneko hiru margolanetako bat da; beste biak Exodoa eta Atzealdea dira. Kritiko askoren iritziz lan hauen oinarrian Gernikako bonbardaketaren ondorioz zabaldutako irudiak egon daitezke baina era sinboliko batez.[1]
Deskribapena
Margolan honetan gazte bat fusila eskuetan eta zerura begira tirabidean jartzen ikus daiteke. Paisaian arrokak dira nagusi. Zeru zikina eta lainotuan abioiak gaztearen gainetik ikusten dira. Irudi gogorra da bai paisaiagatik baita ere gaztea hildakoez inguratuta baitago: ezkerrean buru kaskodun bat dago; eskuinean gora begira hilotz edo hilzorian dagoen gudari baten gorpua. Argia bizirik dagoen gudariaren gainean zentratzen da, haren alkandora zuriak, ziur aski garbitasunaren sinboloa, dramatismo handiko eszena argitzen baitu.
Erreferentziak
Kanpo estekak
