PROFILPELAJAR.COM

Felix Toppo

Felix Toppo
artzapezpiku katolikoa

2018ko ekainaren 24a - 2023ko abenduaren 30a
← Telesphore Toppo - Vincent Aind (en) Itzuli →
Elizbarrutia: Ranchiko artxidiozesia
3. elizbarrutiko apezpiku

1997ko ekainaren 14a - 2018ko ekainaren 24a
← Joseph Rodericks (en) Itzuli - Telesphore Bilung →
Elizbarrutia: Jamshedpurreko elizbarrutia
Bizitza
JaiotzaJharkhand, 1947ko azaroaren 21a (78 urte)
Herrialdea India
Hezkuntza
HeziketaGregoriotar Pontifize-Unibertsitatea
Jarduerak
Jarduerakteologoa, apaiz katolikoa eta apezpiku katolikoa
Ideologia eta sinesmenak
ErlijioaErromatar Eliza Katolikoa
Erlijio-ordenaJesusen Konpainia

Felix Toppo (Tongo, Jharkhand, 1947ko azaroaren 21a) indiar elizgizon jesuita da. 1997tik 2018ra Jamshedpurreko apezpikua izan zen eta 2018tik 2023ra Ranchiko artzapezpikua.[1] Indiako tribu indigena bateko kidea da, Telesphore Toppo kardinala bezala. Abizen bera izan arren, biak ez dira senideak.[2]

Bizitza

1947ko azaroaren 21ean jaio zen Tongon, Gumlako elizbarrutian, Jharkhanden.[3][4] 1968an Jesusen Lagundian sartu zen eta 1982ko apirilaren 14an apaiztu zen. Ordena horretan, nobiziotza aurreko zuzendari, nobizioen maisu eta nagusi izan da.[3][4]

1990ean psikologian masterra lortu zuen Erromako Unibertsitate Gregorianoan.[3][4]

1997ko ekainaren 14an, Joan Paulo II.a aita santuak Jamshedpurko apezpiku izendatu zuen. Urte bereko irailaren 27an jaso zuen apezpiku-ordenazioa Jamshedpurreko Loyola eskolaren aurrean, Telesphore Toppo artzapezpikuaren eskutik, kontsakratzailekideak Joseph Robert Rodericks eta Charles Soreng apezpikuak izanik.[1]

Indiako apezpiku-konferentzia katolikoko Klero eta Erlijiosoentzako Bulegoko buru izan zen eta Puneko Bokazio Zerbitzu Zentro Nazionala zuzendu zuen lau urtez.[4]

2016an, generoari eta justiziari buruzko liburuki baterako saiakera bat idatzi zuen, eta bertan arierazi zuen Elizaren egitura patriarkalak berehalako ondorioak zituela emakumeentzat: «Elizan, tradizionalki, gizonei ematen zaizkie autoritate eta lidergo postuak, eta emakumeei, erlijiosoak edo laikoak, oro har, menpeko rolak esleitzen zaizkie erabakiak hartzeko postuak baino».[5][6]

2018ko ekainaren 24an, Frantzisko aita santuak Ranchiko artzapezpiku izendatu zuen.[3][7] Urte bereko abuztuaren 6an hartu zuen kargua.[8] Hilabete berean, Bharatiya Janata Alderdi nazionalista hinduak kontrolatutako agintari zibilei aurre egin zien, «proselitismo jarduerak bultzatzeaz» akusatutako gobernuz kanpoko erakunde katolikoen aurkako ikerketak hasi zituztenean. Ez zutela xehetasunik eman esan zuen eta «halakorik ez dela gertatzen hinduen aldeko erakundeekin» salatu zuen. Ikerketak hauteskundeen aurretik tribu-populazioaren barruan katolikoak eta hinduak banatzeko diseinatuta zeudela ere aipatu zuen.[9] Abenduan, gobernua goraipatu zuen tribuen lurren eskubideak babesteagatik, tribuko emakume baten tributik kanpoko senarrari lurrak erosteko eskubidea ukatuz.[10]

2018tik aurrera, Indiako apezpiku-konferentzia katolikoko Ipar Indiako Medikuntza Hezkuntza Elkarteako buru izan zen, eta erakunde horrek tribuko jendeari eta pobreei arreta emateko ospitale bat eraiki zuen.[11] Jharkhand eta Andaman eskualdeko apezpikuen kontseiluko presidentea izan zen. Halaber, eskualdeko apaizgaitegi nagusia den Ranchiko San Alberto unibertsitateko errektoreordea izan zen.[4] Indiako apezpiku-konferentzia katolikoan, Bokazio, Seminarista, Klero eta Erlijiosoen Batzordeko hiru kideetako bat izan zen.[12]

2023ko abenduaren 30ean, Frantzisko aita santuak bere erretiroa onartu zuen.[13] Egun horretatik 2024ko martxoaren 19ra arte Ranchiko administratzaile apostolikoa izan zen.[1]

Ondorengotza apostolikoa

Erreferentziak

  1. ↑ a b c d (Ingelesez) «Archbishop Felix Toppo, S.J.» Catholic Hierarchy (kontsulta data: 2025-11-26).
  2. ↑ (Ingelesez) Carvalho, Nirmala. «New archbishop installed in India’s troubled Jharkhand state» Crux 2018-08-07 (kontsulta data: 2025-11-26).
  3. ↑ a b c d (Ingelesez) «Bp. Felix Toppo Appointed as the Archbishop of Ranchi» Conference of Catholic Bishops of India 2018-06-24 (kontsulta data: 2025-11-26).
  4. ↑ a b c d e (Ingelesez) «Jesuit Bishop Felix Toppo is the New Archbishop of Ranchi» Jesuit Conference of South Asia 2018-06-25 (kontsulta data: 2025-11-26).
  5. ↑ (Ingelesez) McElwee, Joshua J. «Patriarchy, not nature, makes women unequal» National Catholic Reporter 2017-06-14 (kontsulta data: 2025-11-26).
  6. ↑ (Ingelesez) Kochuthara, Shaji George. (2016). Gender Justice in the Church and Society: Papers of the Second DVK National Seminar on Moral Theology. Dharmaram Publications.
  7. ↑ (Italieraz) «Rinuncia dell’Arcivescovo di Ranchi (India) e nomina del successore» Bollettino Sala Stampa della Santa Sede 2018-06-24 (kontsulta data: 2025-11-26).
  8. ↑ (Ingelesez) «Felix Toppo is Ranchi archbishop» The Times of India 2018-08-07 (kontsulta data: 2025-11-26).
  9. ↑ (Ingelesez) Thomas, Saji. «Bishops cry foul as Indian police probe church agencies» UCA News 2018-08-14 (kontsulta data: 2025-11-26).
  10. ↑ (Ingelesez) Thomas, Saji. «Indian state to stem tribal marriage land scams» UCA News 2018-12-11 (kontsulta data: 2025-11-26).
  11. ↑ (Italieraz) «E’ un gesuita il nuovo vescovo di Ranchi» Gesuiti 2018-06-26 (kontsulta data: 2025-11-26).
  12. ↑ (Ingelesez) «Bishop Felix Toppo» Catholic Diocese of Jamshedpur (kontsulta data: 2025-11-26).
  13. ↑ (Italieraz) «Rinuncia e nomina dell’Arcivescovo Metropolita di Ranchi (India)» Bollettino Sala Stampa della Santa Sede 2023-12-30 (kontsulta data: 2025-11-26).

Kanpo estekak

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.