FK Partizan Beograd

Ezizena(k)	Crno-Beli ("beltz-zuriak") Parni valjak ("lokomotora")
Sorrera	1945
Futbol zelaia	Partizan Estadioa edukiera: 32.710 lagun inaugurazioa: 1951 (2011ean berriztua)
Presidentea	Milorad Vučelić
Entrenatzailea	Igor Duljaj
Liga	Serbiako SuperLiga
2023-24	2.a
Webgunea	www.partizan.rs/
Etxekoa 　 Kanpokoa

FK Partizan edo Belgradeko Partizan (serbieraz Фудбалски клуб Партизан Београд, Fudbalski klub Partizan Beograd) Serbiako futbol talde bat da Belgrad hirikoa. Partizan Kirol Elkartea kirol taldearen futboleko atala da. Jugoslaviaren garaian talde ezaguna izan bazen ere Serbiaren garaian erabateko nagusitasuna izan du bere herrialdeko txapelketatan.

1945eko urriaren 4ean sortu zen Jugoslovensko sportsko društvo Partizan kirol taldearen futbol atal gisa. Izena Jugoslaviako Partisanoen omenez ezarri zen. Partizanoak Jugoslavia askatu zuten gudari komunistak izan ziren. Berehala iritsi ziren lehenengo garaipenak, 1947ko Liga eta Kopa eta 1949ko Liga.

50. hamarkadan apal ibili ondoren (nahiz eta 3 Kopa eskuratu izan) harrobiarekin lan egiteko erabakia hartu zuten eta 60. hamarkada arrakastatsua etorri zen, 4 Ligaz gain 1966an Europako Kopako finalera iritsi baitziren. Real Madril taldeak garaitu zuen 2-1eko emaitzaz.

Hamarkada batek pasa behar izan zuen berriz ere Jugoslaviako taldeen arteko goren mailara igo eta Liga berriak eskuratzeko. Ordukoa du nazio arteko lehen kopa ere, 1978ko Mitropa Kopa.

1992an Jugoslavia desegin zenan taldeak izen "komunista" aldatu eta Fudbalski klub (Futbol taldea) ezarri zuen Partizan izenaren aurretik. 2006 arte Serbia eta Montenegrok elkarrekin jarraitu zuten eta txapelketak Jugoslaviako Liga izenaz jarraitu arren jadanik Serbiarrek monopolizatuta zeukaten. FK Partizan herrialdeko talde nagusia bihurtu da Ligari dagokionez jadanik 15 txapelketa eskuratu baititu, azken zortzi urtetan zazpi. Kopari dagokionez berriz Izar Gorriak gehiago lortu ditu Partizanek baino.

2014-15 denboraldian Liga irabazi zuen eta kopako finala jokatu zuen, baina gol bakarraz galdu zuen. 2015-16an ordea alderantziz, ligan bigarren eta kopan txapeldun. 2016-17an txapelketa biak irabazi zituen.

2015-2016

2016-2018

2018-2021

2021-2022

2022-2023

• Jugoslaviako Liga (11): 1947, 1949, 1961, 1962, 1963, 1965, 1976, 1978, 1983, 1986, 1987.
• Jugoslaviako Kopa (5): 1947, 1952, 1954, 1957, 1989.
• Jugoslaviako Superkopa (1): 1989

• Serbiako Liga (16): 1993, 1994, 1996, 1997, 1999, 2002, 2003, 2005, 2008, 2009, 2010, 2011, 2012, 2013, 2015, 2017.
• Serbiako Kopa (11): 1992, 1994, 1998, 2001, 2008, 2009, 2011, 2016, 2017, 2018, 2019.

• Txapelduna (0)
• Finalista (1): 1966

• Txapelduna (1): 1978.

• Txapelduna (1): 1989.

Honako hauek dira Partizanek euskal taldeen aurka jokaturiko partidak:

• (Serbieraz)(Ingelesez) Webgune ofiziala