Erromako Lorategi Botanikoa
Sapienza Museum Network
Irudi gehiago
Kokapena
Herrialdea	Italia
Italiako eskualdeak	Lazio
Italiako hiri metropolitarra	Erromako hiri metropolitarra
Muga-hiri	Erroma
Koordenatuak	41°53′32″N 12°27′57″E / 41.892296°N 12.465853°E / 41.892296; 12.465853
Kontaktua
Helbidea	Largo Cristina di Svezia n. 24 00165 Roma
Webgune ofiziala

Erromako Lorategi Botanikoa (italieraz: Orto Botanico di Roma) edo Erromako La Sapienza Unibertsitatearen Lorategi Botanikoa (italieraz: Orto Botanico dell'Università di Roma "La Sapienza") Erroma hiriburuko Corsini jauregian dagoen lorategi botanikoa da. Trastevere rionean kokaturik dago, Janikulo muinoaren maldetan.

XVII. mendean Suediako Kristina erregina hogei urtez bizi izan zen Corsini jauregian eta honen babesean Accademia dell'Arcadia-ren bilerak egin ziren. Akademia honek Aita Santuaren lorategi botanikoak eraiki zituen jauregiaren ondoan.

Gaur egungo lorategiak ordea 1883an egin ziren, Italiar estatuak jauregia eskuratu ondoren alegia.

3.000 landare espezietik gora aurkitzen dira lorategietan. Bereziki aipagarriak dira lorategi japoniarra, banbu basoa eta sendabelarren lorategia (Giardino dei Semplici), 300 espezie inguru dituena.

Negutegi ugari ere badaude kaktusak, bonsaiak, landare haragijaleak eta landare tropikal ugari mantentzen ditutenak.

• 
  Corsini jauregia.
• 
  Lorategi japoniarra.
• 
  Banbuak.
• 
  Iratzeen harana.
• 
  Eskailerak eta urjauzia.

• (Italieraz) Webgune ofiziala